بٷگٸن كەسٸپقوي بوكسشى قانات يسلام باستاعان «QAZAQ promotions» پروموۋتەرلٸك ۇيىمى «ەل-نەسٸبە» قايىرىمدىلىق قورى» قوعامدىق قورى ارقىلى 8 بالاسى بار جالعىزباستى اناعا 2 بٶلمەلٸ پەتەر سىيلادى, دەپ حابارلايدى "ۇلت اقپارات".
پروموۋتەرلٸك ۇيىمنىڭ مەلٸمەتٸنشە, پەتەر نۇر-سۇلتان قالاسىنىڭ وڭ جاعالاۋىندا سارىارقا اۋدانىندا ورنالاسقان. باسپانا كٶپبالالى وتباسىعا ىڭعايلى بولۋى ٷشٸن ٸرگەسٸندە ورنالاسقان مەكتەپ جەنە بالاباقشانىڭ جاقىندىعىنا وراي ارنايى تاڭدالدى. سونداي-اق, پەتەردٸڭ ٸشٸ تۇرمىسقا قاجەتتٸ بارلىق تەحنيكالارمەن, تٶسەك-ورىنمەن تولىق جابدىقتالعان.
پەتەردٸڭ كٸلتٸن جالعىزباستى انا گٷلشات بايادٸلوۆاعا قازاق كەسٸپقوي بوكسىنىڭ جارىق جۇلدىزى, WBO Inter-Continental چەمپيونى قانات يسلام ٶزٸ تاپسىردى. كٶپبالالى وتباسى سوڭعى سەكۋندتارعا دەيٸن باسپانالى بولاتىنىن, ونىڭ كٸلتٸن قازاقتىڭ ماقتانىشى قانات يسلام تاپسىراتىنىن بٸلمەگەن. بارلىعى قۇپييا رەتٸندە ساقتالعان. ٶمٸردە كٶپتەگەن قيىندىقتارعا كەزدەسٸپ, مويىماعان اناعا توسىنسىيدى «ەل-نەسٸبە» قايىرىمدىلىق قورى» قوعامدىق قورىنىڭ ٶكٸلدەرٸ ارنايى ۇيىمداستىرعان.
گٷلشات بايادٸلوۆا – «كٷمٸس القا» يەگەرٸ, 8 بالانى ٶمٸرگە ەكەلٸپ, ەر جەتكٸزگەن. بالاسىنىڭ الدى تۇرمىس قۇرىپ, جەكە وتباسى بولىپ وتىر. ەكٸنشٸ بالاسى ناۋقاس, قارجىنىڭ تاپشىلىعىنان مەديتسينالىق كٶمەك ۋاقىتىلى كٶرسەتٸلمەگەندٸكتەن, ناقتى دياگنوزى انىقتالماعان. ٷشٸنشٸ بالاسى كوللەدج ستۋدەنتٸ, ال قالعان 5 بالاسى مەكتەپ وقۋشىلارى. وسى ۋاقىتقا دەيٸن جەر ٷيدٸڭ اياداي بٸر بٶلمەسٸن پانالاپ كەلگەن. پەتەرگە تٶلەيتٸن قاراجاتى بولماعاندىقتان, زەۋلٸم كوتتەدجدٸڭ قىستا وتىن جاعىپ, جازدا كٷلٸن تٶگٸپ, اۋلانى تازالاپ, باسقا دا جۇمىستار ٸستەگەنٸ ٷشٸن تەگٸن تۇرعان. «كلۋب دوبرياكوۆ» كٶمەك رەتٸندە, حولوديلنيك, گاز پليتاسىن, تٶسەك, ديۆان ەكەلٸپ بەرگەن. وعان دەيٸن جەرگە جاتىپ جٷرگەن ەكەن.
باسپانانىڭ زاردابىن تارتىپ كەلگەن جانۇيا جاعدايى تۋرالى بٸلگەن «ەل-نەسٸبە» قايىرىمدىلىق قورى» قوعامدىق قورىنىڭ ٶكٸلدەرٸ جان-جاقتان كٶمەك سۇراستىرا جٷرٸپ, قازاقتىڭ جومارت پەيٸلدٸ جاۋجٷرەك ۇلى قانات يسلامعا وسى جايدى جەتكٸزەدٸ. ول قر پرەزيدەنتٸ قاسىم-جومارت توقاەۆتىڭ تٸكەلەي قولداۋىمەن 5 شٸلدەدە الماتىدا ٶتكەن «قانات يسلاممەن بوكس كەشٸ» اتتى شارادان جينالعان قارجىنىڭ بٸر بٶلٸگٸنە كٶپبالالى وتباسىعا باسپانا الىپ بەرۋدٸ ۇيعارعان.
