جەڭٸلٸپ كٶرمەگەن قازاقستاندىق بوكسشى قانات يسلام (27-0, 21 كو) اقش-تىڭ فلوريدا شتاتىنداعى ماياميدە ايقاس الدىندا سالماق ٶلشەۋ رەسٸمٸنەن ٶتتٸ, دەپ حابارلايدى Sports.kz اگەنتتٸگٸ.
«قازاقتىڭ» قارسىلاسى ەكۆادورلىق دجەيسون ميندا (14-3-1, 8 كو) بولماق.
ورتا سالماقتاعى ايقاس ون راۋندقا جوسپارلانعان.
ەكٸ بوكسشى دا ورتا سالماقتاعى ليميتتٸ (72,6 كگ نەمەسە 160 فۋنتوۆ) ورىندادى.
تارازىدا قانات يسلام 72,6 كگ سالماق كٶرسەتسە, ونىڭ قارسىلاسى – 72,1 كگ.
بۇعان دەيٸن حابارلانعانداي, باستاپقىدا قانات يسلام گانالىق وبوداي سايمەن (35-3-1, 26 كو) جۇدىرىقتاسۋى تيٸس بولعان.
الايدا بەلگٸسٸز سەبەپتەرمەن افريكالىق بوكسشى جەكپە-جەككە قاتىسپايدى.
