وسىدان بٸر ەكٸ كٷن بۇرىن ەلەۋمەتتٸك جەلٸدە قازاقتان شىققان ەيگٸلٸ ەنشٸ ديماش قۇدايبەرگەندٸ قىرعىزدىڭ بالاسى, ۇرپاعى ەكەن دەگەن قاۋەسەتتەر تارادى. بۇل ەڭگٸمە جەلٸدە قىزۋ تالقى بولدى. بٷگٸن ەنشٸنٸڭ ەكەسٸ قانات ايتباەۆ Facebook-تەگٸ جەكە پاراقشاسىندا جاۋاپ بەرٸپ, ٶزدەرٸنٸڭ قىرعىز ەلٸنە قاتىسى جوق ەكەندٸكتەرٸن ايتىپتى.
قانات ايتباەۆ:
- ەجەم راحيمانىڭ رۋى ەلٸمنٸڭ ٸشٸندەگٸ - جاقايىم, ونىڭ ٸشٸندە - بىلامىق. ول كٸسٸ بويجەتٸپ, جاقايىم رۋىنىڭ ٸشٸندەگٸ تالپاق, قىرعىز رۋىنىڭ جيەنٸ تٶلەۋباي دەگەن كٸسٸگە تۇرمىسقا شىعادى. ەكەۋٸ بٸرنەشە بالا سٷيەدٸ. سٶيتٸپ جٷرگەندە وتىزىنشى جىلداردىڭ الاساپىرانى باستالادى. اشتىقتىڭ كەزٸندە تٶلەۋباي اتامىز ٶلٸپ, ەجەمٸز بالا-شاعاسىن اشتان ٶلٸپ قالماسى ٷشٸن ۋاقىتشا بالالار ٷيٸنە ٶتكٸزٸپ, الاساپىران زاماندا ولاردان كٶز جازىپ قالادى.
اۋىلدا امان قالعان ٷلكەندەر اقىلداسا وتىرىپ, سٷيەنەر تٸرەگٸنەن, بالا-شاعاسىنان تٸرٸدەي ايىرىلعان قام كٶڭٸل راحيما ەجەمدٸ ەلٸمگە سٸڭگەن قىرعىز رۋىنىڭ ٸشٸندەگٸ باراق, ونىڭ ٸشٸندەگٸ تٸلەۋبايدان تارايتىن, جۇبايى قايتىس بولعان مەنٸڭ اتام ايتبايعا قوسادى. جان-جاقتاعى اعايىن-تۋىستىڭ سٷيەمەلدەۋٸمەن ەكٸ جارتى بٸر بٷتٸن بولىپ, تٷتٸن تٷتەتەدٸ. كٶپ ۇزاماي ٶمٸرگە مەنٸڭ ەكەم كەلەدٸ. اناداي جاعدايلاردان كەيٸن دٷنيەگە كەلگەن بالا, تٸپتٸ, تەتتٸ كٶرٸنەدٸ عوي, ەكەۋٸ دە: «بٸزگە بۇل بالانى قۇداي بەردٸ...», دەسە كەرەك. سٶيتٸپ, ەكٸ شاڭىراقتىڭ ٶشكەن وتىن تۇتاتقان سەبيگە قۇدايبەرگەن دەگەن ەسٸم بەرٸلەدٸ.
ەكەمٸز 7-8 جاسقا كەلگەندە, تاعى بٸر قۋانىشتى جاعداي بولىپتى. ەجەمنٸڭ تٶلەۋبايدان تۋعان ايازباي دەگەن ۇلى امان تابىلادى. ايتباي اتام توي جاساپ, باۋىرىنا باسقان. ايازباي دا مەيٸرٸمدٸ, ەلگەزەك بوزبالا ەكەن, لەزدە اتاما باۋىر باسادى. مەنٸڭ ەكەم قۇدايبەرگەندٸ ەركەلەتٸپ, ەرتٸپ جٷرەدٸ ەكەن.
بٸر كٷنٸ ايتباي اتام اتتان قۇلاپ, مەرتٸگەدٸ. دەرتٸ ەبدەن مەڭدەپ, ٶمٸردەن وزار الدىندا ۇلى ايازبايدى شاقىرىپ الىپ: «بالام, ەستييار جٸگٸت بولىپ قالدىڭ, مەنٸڭ ۋاقىتىم تاياعان سيياقتى, ٸنٸڭ قۇدايبەرگەن ٶزٸڭە امانات, ەشقاشان بٶلٸنبەڭدەر, ساعان سەندٸم...», دەپ ٷزٸلٸپ جٷرە بەرٸپتٸ. كەيٸنٸرەك اناسى دا ٶمٸردەن وزىپتى. اتامىز قايتقان كەزدە مەنٸڭ ەكەم قۇدايبەرگەن بار بولعانى توعىز جاستا ەكەن.
ەكە اماناتىنا بەرٸك ايازباي اتامىز ٸنٸسٸ قۇدايبەرگەندٸ جەتەلەپ جٷرٸپ ٶسٸرٸپ, باراقتىڭ تٸلەۋبايىنان, جاقايىمنىڭ تالپاعىنان تارايتىن بارلىق تۋىس-تۋعاننىڭ مەيٸرٸمٸن بويىنا تەڭ سٸڭٸرەدٸ. ەكەم جاقايىم مەن باراقتىڭ ورتاق بالاسى بولىپ ەر جەتەدٸ.
ەسكەردەن كەلگەن سوڭ, اعاسىنىڭ اق باتاسىن الىپ, ەكەم الماتى اۋىلشارۋاشىلىق ينستيتۋتىنا وقۋعا تٷسەدٸ. وقىپ جٷرٸپ, اقتٶبەنٸڭ شالقار ٶڭٸرٸنەن كەلگەن, ەلٸمنٸڭ شەكتٸسٸنەن تارايتىن قاباقتىڭ قىزى, مەنٸڭ انام ميۋامەن تانىسىپ, شاڭىراق كٶتەرەدٸ.
ەكەۋٸنەن ٷش بالا ٶربٸدٸك - مەن, ەپكەم گٷلزيرا, قارىنداسىم نۇرگٷل.
مەن 1993 جىلى ينستيتۋت بٸتٸرٸپ, ەلٸمنٸڭ شەكتٸسٸنەن, ونىڭ ٸشٸندە نازار رۋىنىڭ بەشەنٸنەن تارايتىن ەرمەكقىزى سۆەتامەن شاڭىراق كٶتەردٸم. اللاعا شٷكٸر, قازٸر ەكٸ ۇلىمىز, بٸر قىزىمىز بار. اتا-انامىزبەن بٸرگە بٸر شاڭىراق استىندا تاتۋ-تەتتٸ ٶمٸر سٷرٸپ جاتىرمىز.
الاتاۋدىڭ باۋىرىن مەكەندەگەن قىرعىز ۇلتىنا قاتىسىمىز جوق.
قۇداندالى, جەكجاتتى بولار كەزدە عانا ايتىلاتىن رۋ تارماقتارىن, ٶمٸر تاريحىن جارييالى تٷردە بايانداۋعا مەجبٷر ەتكەن «جۋرناليستەرگە» نە دەيٸن?..
