سۋرەت اشىق دەرەككٶزدەن الىندى
سەرسەنبٸدە كانادا پارلامەنتٸنٸڭ قاۋىمدار پالاتاسى قىتايدىڭ شىڭجاڭ ٶڭٸرٸنەن قاشىپ شىققان 10 مىڭ ۇيعىر بوسقىنىن ەكٸ جىل ٸشٸندە قابىلداۋ جٶنٸندە قارار قابىلدادى, دەپ حابارلايدى ازاتتىق.
قاۋىمدار پالاتاسىنىڭ 322 مٷشەسٸ قۇجاتتى قولداپ داۋىس بەردٸ, ەشكٸم قارسى شىقپادى. قاراردىڭ زاڭدىق كٷشٸ جوق, بٸراق ۇسىنىس سيپاتى بار.
بۇل قۇجاتتى قاۋىمدار پالاتاسىنىڭ مٷشەسٸ سامير زۋبەري دايىندادى. قاراردا شىڭجاڭداعى ۇيعىرلار مەن باسقا دا جەرگٸلٸكتٸ تٷركٸتٸلدەس قاۋىم ٶكٸلدەرٸ قىتاي بيلٸگٸنٸڭ قىسىمىنا ۇشىراعانى, كانادا ٷكٸمەتٸ ەلٸنە ورالعان بوسقىندارعا قاۋٸپ تٶنٸپ تۇرعانىن مويىنداۋى كەرەكتٸگٸ ايتىلعان.
Reuters باسىلىمىنىڭ مەلٸمەتٸنشە, پرەمەر-مينيستر دجاستين تريۋدو ٷكٸمەتٸ قارار تالاپتارىن ورىنداۋعا مٸندەتتٸ ەمەس, الايدا پارلامەنتتٸڭ قۇجاتتى بٸراۋىزدان قابىلداۋىن ەسكەرۋٸ كەرەك.
"كانادا كٶمەككە زەرۋلەرگە كٶمەكتەسۋدەن ەشقاشان باس تارتپايدى. مەن قاۋىمدار پالاتاسى قابىلداعان قارار ەرەجەلەرٸن جٷزەگە اسىرۋ ٷشٸن پارتييالاردىڭ بارلىق مٷشەسٸمەن جۇمىس ٸستەۋگە دايىنمىن" دەپ مەلٸمدەدٸ كانادا كٶشٸ-قون مينيسترٸ شون فرەيزەر.
ادام قۇقىقتارىن قورعاۋ ۇيىمدارى پەكيندٸ 2017 جىلدان باستاپ ميلليونداعان مۇسىلمان ۇيعىردى, قازاقتى جەنە باسقا دا تٷركٸ ۇلتى ٶكٸلٸن تٷرمەلەر مەن "قايتا تەربيەلەۋ لاگەرلەرٸنە" قامادى دەپ ايىپتاپ كەلەدٸ. 2021 جىلعى اقپاندا كانادانىڭ قاۋىمدار پالاتاسى پەكيننٸڭ شىڭجاڭداعى تٷركٸ حالىقتارىنا قاتىستى ساياساتىن گەنوتسيد دەپ تانىدى. سودان بٸر اي بۇرىن سول كەزدەگٸ اقش مەملەكەتتٸك حاتشىسى مايك پومپەو شىڭجاڭدا بولىپ جاتقان وقيعالاردى گەنوتسيد دەپ اتاعان.
قىتاي بيلٸگٸ تاعىلعان ايىپتاردى جوققا شىعارىپ, شىڭجاڭداعى ساياساتىن تەرروريزممەن جەنە ەكسترەميزممەن كٷرەس شارالارى دەپ اتاعان.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
