Sýret ashyq derekkózden alyndy
Sársenbide Kanada parlamentiniń qaýymdar palatasy Qytaidyń Shyńjań óńirinen qashyp shyqqan 10 myń uiǵyr bosqynyn eki jyl ishinde qabyldaý jóninde qarar qabyldady, dep habarlaidy Azattyq.
Qaýymdar palatasynyń 322 múshesi qujatty qoldap daýys berdi, eshkim qarsy shyqpady. Qarardyń zańdyq kúshi joq, biraq usynys sipaty bar.
Bul qujatty qaýymdar palatasynyń múshesi Samir Zýberi daiyndady. Qararda Shyńjańdaǵy uiǵyrlar men basqa da jergilikti túrkitildes qaýym ókilderi Qytai biliginiń qysymyna ushyraǵany, Kanada úkimeti eline oralǵan bosqyndarǵa qaýip tónip turǵanyn moiyndaýy kerektigi aitylǵan.
Reuters basylymynyń málimetinshe, premer-ministr Djastin Triýdo úkimeti qarar talaptaryn oryndaýǵa mindetti emes, alaida parlamenttiń qujatty biraýyzdan qabyldaýyn eskerýi kerek.
"Kanada kómekke zárýlerge kómektesýden eshqashan bas tartpaidy. Men qaýymdar palatasy qabyldaǵan qarar erejelerin júzege asyrý úshin partiialardyń barlyq múshesimen jumys isteýge daiynmyn" dep málimdedi Kanada kóshi-qon ministri Shon Freizer.
Adam quqyqtaryn qorǵaý uiymdary Pekindi 2017 jyldan bastap milliondaǵan musylman uiǵyrdy, qazaqty jáne basqa da túrki ulty ókilin túrmeler men "qaita tárbieleý lagerlerine" qamady dep aiyptap keledi. 2021 jylǵy aqpanda Kanadanyń qaýymdar palatasy Pekinniń Shyńjańdaǵy túrki halyqtaryna qatysty saiasatyn genotsid dep tanydy. Sodan bir ai buryn sol kezdegi AQSh memlekettik hatshysy Maik Pompeo Shyńjańda bolyp jatqan oqiǵalardy genotsid dep ataǵan.
Qytai biligi taǵylǵan aiyptardy joqqa shyǵaryp, Shyńjańdaǵy saiasatyn terrorizmmen jáne ekstremizmmen kúres sharalary dep ataǵan.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
