توكيو وليمپيداسىندا بوكستان اسا اۋىر سالماق دەرەجەسٸ بويىنشا الاڭعا شىققان قازاقستاندىق بوكسشى قامشىبەك قوڭقاباەۆ العاشقى قارسىلاسىن ايقىن باسىمدىقپەن جەڭدٸ. سودان كەيٸن بوكسشى سۇحبات بەرٸپ, جەكپە-جەك كەزٸندە ويىنداعى ەدٸستٸڭ بارلىعىن تولىق ورىنداي الماعانىن جەتكٸزدٸ, دەپ جازدى Olympic.kz.
"جەكپە-جەكتە ويىمداعى ەدٸستەردٸ جٷز پايىز ورىنداي المادىم. بٸرٸنشٸ كەزدەسۋ بولعاندىقتان, قوبالجۋ دا بولدى. جەڭٸس ٷشٸن بار كٷش-جٸگەرٸمدٸ سالدىم. قارسىلاسىم دا وسال ەمەس, مىقتى ەرٸ بويشاڭ. كەيبٸر ەدٸسٸم جاقسى شىقسا, ەندٸ بٸرٸ ٶتپەي قالدى. سول ٷشٸن ەر كەزدەسۋگە دايىن بولۋ كەرەك", - دەدٸ قوڭقاباەۆ.
ايتۋىنشا, كەلەسٸ قارسىلاسى دا وسال ەمەس.
"رەسەيلٸك بوكسشىمەن سپاررينگتٸك كەزدەسۋلەر ٶتكٸزدٸم. جارىس كەزٸندە بەرٸ دە باسقاشا بولاتىنى انىق. كٶپشٸلٸگٸ مەنٸ ٶزبەكستان نامىسىن قورعايتىن باحادور جالولوۆپەن كەزدەستٸرۋگە اسىق. بٸراق مەن ٷشٸن ەربٸر قارسىلاس مىقتى. سەبەبٸ بۇل – وليمپيادا. كەشە بٸراز جٸگٸتتٸڭ جارىستى اياقتاعانى دا جانىمىزعا باتىپ, كٶڭٸل كٷيٸمدٸ تٷسٸردٸ. دەسە دە, ەلٸمٸزدٸ قۋانتۋعا دايىنبىز, بار كٷشٸمٸزدٸ سالامىز", - دەدٸ قامشىبەك.
ايتا كەتەرٸ, قوڭقاباەۆ العاشقى جەكپە-جەكتە مىسىرلىق ەسري موستافا رەزكپەن قولعاپ تٷيٸستٸردٸ. بٸرٸنشٸ راۋندتا ەكەۋٸ ٶتە ساق قيمىلدادى. قامشىبەكتٸڭ قارسىلاسى بويشاڭ, قولى دا ۇزىن. دەگەنمەن قازاقستاندىق بوكسشى بٸرنەشە سوققىسىن دەل تيگٸزدٸ. سونىڭ ارقاسىندا بٸرٸنشٸ راۋندتا بەس تٶرەشٸنٸڭ بەرٸ وعان جوعارى ۇپاي بەردٸ. ەكٸنشٸ راۋند تا قوڭقاباەۆتىڭ پايداسىنا شەشٸلدٸ. سوڭعى راۋندتا مىسىرلىق بوكسشى ەشتەڭە ٸستەي المادى. قورىتىندى ەسەپ – 5:0.
قازٸر قازاقستان قورجىنىندا دزيۋدوشى ەلدوس سمەتوۆ, اۋىر اتلەتشٸ يگور سون مەن زۋلفييا چينشانلو جەڭٸپ العان ٷش قولا مەدال بار.
