پولياك بوكسشىسى كاميل شەرەمەتا ەلەم چەمپيونى گەنناديي گولوۆكيننەن جەڭٸلۋٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
"مەن وسى جەكپە-جەكتٸڭ وڭاي بولمايتىنىن جەنە ەربٸر سوققىنىڭ اۋىر بولاتىنىن سەزدٸم. يە, قۇلاعان كەزدەرٸم بولدى. بٸراق مەن تۇرىپ, جەكپە-جەكتٸ جالعاستىرۋدى قالادىم. ال جەتٸنشٸ راۋندتان كەيٸن تٶرەشٸ بٸزگە جاقىنداپ, مەنٸڭ دەنساۋلىعىم ٷشٸن جەكپە-جەكتٸ توقتاتاتىنىن ايتتى. وسى تۇرعىدا دۇرىس شەشٸم بولدى. مەن 12 راۋندقا دەيٸن شىداسام دا, جەكپە-جەكتٸڭ نەتيجەسٸن ٶزگەرتە المايتىن ەدٸم", – دەپ جازدى شەرەمەتا ٶزٸنٸڭ Facebook پاراقشاسىندا.
ونىڭ سٶزٸنە قاراعاندا, ول جەتٸنشٸ راۋندقا جاقىن اۋىر ەرٸ تازا سوققى العان. وسىدان كەيٸن شەرەمەتا باتىل جٷرەكتٸڭ ارقاسىندا عانا كٷرەستٸ. ال گولوۆكين جوعارعى ليگا ەكەنٸن تاعى بٸر مەرتە دەلەلدەدٸ.
"مەن جەڭٸلدٸم. بٸراق ٷلكەن تەجٸريبە الدىم جەنە ول مەنٸمەن بٸرگە قالادى. شىنىمدى ايتسام, بۇعان دەيٸنگٸ 21 جەكپە-جەكتەن گٶرٸ دەل وسى جەكپە-جەكتەن كٶپ تەجٸريبە الىپ شىقتىم", – دەيدٸ شەرەمەتا.
بوكسشى ەزٸرشە الداعى جوسپار جايىندا ويلاعىسى كەلمەيتٸنٸن دە جازدى. ەڭ الدىمەن وتباسىما بارىپ, دەمالامىن دەيدٸ ول.
ايتا كەتەيٸك, سوڭعى جەكپە-جەكتە قازاقستاندىق بوكسشى IBF تۇجىرىمى بويىنشا ورتا سالماقتاعى ەلەم چەمپيونى تيتۋلىن 21-شٸ رەت قورعاپ شىقتى. بۇل رەكوردتىق كٶرسەتكٸش بولىپ سانالادى. بۇعان دەيٸن تانىمال بوكسشى بەرنارد حوپكينس IBF بەلبەۋٸن 20 رەت قورعاعان. ال GGG ودان اسىپ تٷستٸ.
