"قاماۋدا قالىپ, قىر جاعالاپ كەتكەن" اۋىل جۇرتى سوڭعى 5 ايدا كٶرگەن ازاپتان ەبدەن شارشادى. الماتى وبلىسىنداعى قىزىلقايرات اۋىلىنىڭ تۇرعىندارى جولعا زەرۋ, دەپ حابارلايدى Almaty.tv تٸلشٸسٸ.
تۇرعىندار اۋلاسىنا جەتۋٸ ٷشٸن بٸرنەشە ٷيدٸ اينالىپ بارام دەگەنشە دەمٸ بٸتٸپ, كٶرشٸنٸڭ قوراسىندا ەنتٸگٸن باسۋعا تۋرا كەلەدٸ. سەبەبٸ بۇرىن قاتىناپ جٷرگەن جولدارىن ٶزگە بٸرەۋ جاۋىپ تاستاعان.
«جان جاعىمىزدى قورشاپ تاستاپ, «زونادا» وتىرعان سيياقتىمىز. قازٸر عانا قىزىلقايراتتىڭ ورتالىعىنداعى ۋكول سالاتىن جەردەن سيستەمامدى الىپ كەلٸپ وتىرمىن. جاياۋ. مىنا ٷيدٸڭ ورتاسىمەن ٶتٸپ, مىنا جەرگە دەمالىپ الىپ, ودان بىلاي قاراي ٷيٸمە بارۋ ٷشٸن شارباقتىڭ اراسىنان ٶتۋٸم كەرەك», – دەيدٸ قىزىلقايرات اۋىلىنىڭ تۇرعىنى ەليپا ەدٸلبەكوۆا.
«ەركٸمنٸڭ ەسٸگٸنٸڭ الدىنان ٶتەمٸز. ولارعا دا جەككٶرٸنٸشتٸ بولدىق. بٸرەۋٸ يت بايلاپ قويادى. ولار دا جاقتىرا بەرمەيدٸ», – دەدٸ قىزىلقايرات اۋىلىنىڭ تۇرعىنى ساتىبالدى قىدىرۇلى.
تۇرعىنداردىڭ ايتۋىنشا, بۇرىن اشىق تۇرعان جول 5 اي بۇرىن جابىلعان. سەبەبٸ ول جاققا جەردٸڭ يەلەرٸ كەلٸپ, قورشاپ الىپتى. سوندىقتان جۇرت كٶرشٸنٸڭ قاباعى مەن ٷرگەن يتٸنەن تىعىلىپ, كەيدە قىر جاعالاپ كەتەتٸن كٶرٸنەدٸ.
ال اۋىل مەن اۋدان ەكٸمدٸگٸنٸڭ ٶكٸلدەرٸ حالىقتىڭ جاعدايىمەن تانىس. بٸراق ولارمەن كەزدەسۋدەن باس تارتتى.
«جەكەمەنشٸك جەر بولعاندىقتان, جەر يەسٸ بەرمەيمٸن دەپ جولدى جاۋىپ وتىر. مەسەلەنٸڭ اق-قاراسى وسى. ەكٸنشٸدەن, جول اشۋ نە بۇرىنعى ٶتٸپ جٷرگەن جولدىڭ يەسٸمەن سٶيلەسەمٸز. بٸزدٸڭ زاڭگەرلەر مەن ماماندار سٶيلەسٸپ جاتىر. اۋداننىڭ ارحيتەكتور بٶلٸمٸ مەن جەر كاداسترى بٶلٸم ماماندارى دا جۇمىس جٷرگٸزٸپ جاتىر», – دەدٸ الاتاۋ اۋىلدىق وكرۋگٸنٸڭ ەكٸمٸ ازامات سەيٸتوۆ.
جول مەسەلەسٸ ەلدٸ مەكەننٸڭ كەلەسٸ بەتٸندەگٸ تۇرعىندارعا دا ارمان بولىپ وتىر. تٸپتٸ, كەي تۇرعىن ٶز قالتاسىنان قۇنىن تٶلەپ, تاس تٶسەتكەن. بٸراق ويقى-شويقى جول ادام اياعىن سىندىرىپ, كٶلٸكتٸ توزدىرىپ بٸتكەن.
«اۋىرعان كەزدە, بالالار قورقىپ كەتٸپ, جەدەل جەردەم كٶلٸگٸن شاقىردىق. ول كەلمەيدٸ», – دەدٸ قىزىلقايرات اۋىلىنىڭ تۇرعىنى كٷلدەرييا كەنجەباەۆا.
«ماشينالارىمىز شاشىلىپ قالىپ جاتىر. جاساۋ مٷمكٸن ەمەس. ال ەندٸ قىمبات كٶلٸك الۋعا جاعدايىمىز جوق», – دەدٸ جەرگٸلٸكتٸ تۇرعىن باۋىرجان جٷنٸسوۆ.
اۋىل ەكٸمٸ جول سالۋعا قاراجات كٷتٸپ وتىرعان كٶرٸنەدٸ.
«تاياۋ ارادا جۇمىسىن باستايدى. كونكۋرس ويناتىلىپ بولدى. ۇتىپ العان مەردٸگەر انىقتالدى. قازٸرگٸ تاڭدا جۇمىس جٷرگٸزٸلەدٸ. حاسانوۆ كٶشەسٸنە 940 مەترگە جول تٶسەلەدٸ. ال مىنا جەرگە اسفالت تٶسەلمەيدٸ. تاس تٶسەيدٸ», – دەدٸ الاتاۋ اۋىلدىق وكرۋگٸنٸڭ ەكٸمٸ ازامات سەيٸتوۆ.
تاس جول تٶسەلەدٸ. بٸراق ۋەجٸن ايتقان حالىقتىڭ كٶشەسٸنە ەمەس. ەكٸمنٸڭ ايتۋىنشا, اۋماقتا ەلٸ دە ٷيلەر سالىنىپ جاتقاندىقتان, جول سالۋعا دەيٸنگٸ جۇمىستار بار.
ايتا كەتسەك, الاتاۋ اۋىلدىق وكرۋگٸندەگٸ 16 مىڭنان استام حالىقتىڭ جارتىسى دەل وسى قىزىلقايرات اۋىلىندا تۇرادى.
