الماتى قالاسىنىڭ باس مەملەكەتتٸك سانيتار دەرٸگەرٸ جانداربەك بەكشين ونلاين بريفينگ بارىسىندا قالاداعى ەپيدەميولوگييالىق احۋال جايلى ايتتى, دەپ حابارلايدى "ۇلت اقپارات".
جىل باسىنان 26 سەۋٸرگە دەيٸن قالادا كوروناۆيرۋستىڭ 33 230 جاعدايى تٸركەلدٸ. بىلتىر 18,5 مىڭ بولعان. ياعني, 1,8 ەسە ارتىق. ٶتكەن تەۋلٸكتە 689 ادام كوروناۆيرۋس جۇقتىرعان.
«وسى جىلدىڭ سەۋٸر ايىندا اۋرۋشاڭدىق بولجامدى تٷردە ٶسۋٸن جالعاستىرۋدا. ەپيدەمييانىڭ دامۋ سەرپٸنٸ 3-اپتاداعى پيسسەميستٸك بولجامعا سەيكەس كەلەدٸ. بولجام بويىنشا 14 483 جاعداي كٶزدەلگەن, ال سەۋٸردٸڭ العاشقى ٷش اپتاسىندا ۆيرۋس جۇقتىرعان 13 397 وقيعاسى تٸركەلدٸ. سوندىقتان قالاداعى ەپيدەميولوگييالىق جاعداي قازٸر كٷردەلٸ. سول سەبەپتٸ شەكتەۋ شارالارىن جۇمسارتقان جوقپىز», - دەدٸ جانداربەك بەكشين.
سونىمەن قاتار ول ۆيرۋستىڭ قازٸرگٸ دامۋ ديناميكاسىندا سيمپتومى بار ناۋقاستار سانىنىڭ كٶبەيگەنٸن اتاپ ٶتتٸ.
«بيىلعى قاڭتار ايىندا سيمپتوممەن تٸركەلگەن ناۋقاستاردىڭ ٷلەسٸ 73% بولسا, بٷگٸنگٸ تاڭدا ول 90%-عا جەتكەن. بۇل اۋرۋدىڭ نەعۇرلىم اگرەسسيۆتٸ قوزدىرعىشىنىڭ بولۋىن راستايدى. وعان قوسا ۆيرۋستىڭ مۋتاتسييالانعان شتامدارى پايدا بولدى», - دەدٸ ول.
