الماتى ەكٸمٸ باقىتجان ساعىنتاەۆ كەشە ٶتكەن قالا اكتيۆٸنٸڭ وتىرىسىندا مەملەكەت باسشىسىنىڭ جولداۋىن ٸسكە اسىرۋ مەسەلەلەرٸ بويىنشا ەپيدەميولوگييالىق احۋالدى تۇراقتاندىرۋ جەنە قالانىڭ دەنساۋلىق ساقتاۋ جٷيەسٸن دامىتۋ شارالارى تۋرالى ايتتى, دەپ حابارلايدى قازاقپارات.
قاسىم -جومارت توقاەۆ حالىققا جولداۋىندا كوروناۆيرۋس پاندەميياسىمەن كٷرەسۋ, ەڭ الدىمەن حالىقتى ۆاكتسينالاۋ جەنە پروفيلاكتيكالىق ەكپەنٸڭ ۇلتتىق كٷنتٸزبەسٸن ورىنداۋ مٸندەتتەرٸن قويدى.
الماتىدا 200-گە جۋىق ەكپە پۋنكتٸ جۇمىس ٸستەيدٸ. ۆاكتسينانىڭ بٸرٸنشٸ كومپونەنتٸن 875 مىڭ ادام, ەكٸنشٸسٸن 748 مىڭ الماتىلىق سالدىردى.
ۆاكتسينالاردىڭ ٷزدٸكسٸز جەتكٸزٸلۋٸ قامتاماسىز ەتٸلدٸ. قالاعا بارلىعى 992 مىڭ دوزا جەتكٸزٸلدٸ.
«قابىلدانعان شارالاردىڭ نەتيجەسٸندە الماتىدا سانيتارلىق-ەپيدەميولوگييالىق احۋال تۇراقتانا باستادى. دەرت دەڭگەيٸنٸڭ تەندەنتسيياسى تٶمەندەپ كەلەدٸ. بٷگٸندە بٸز الماتىلىقتاردىڭ تەۋلٸكتٸك جۇقتىرۋ دەڭگەيٸنٸڭ ٶتكەن اپتالارمەن سالىستىرعاندا 300 ادامعا ازايعانىن بايقادىق», - دەدٸ باقىتجان ساعىنتاەۆ.
سونىمەن قاتار, ول جەدەل جەردەمگە قوڭىراۋ شالۋ سانى 4 مىڭنان 2,4 مىڭعا دەيٸن ازايعانىن ايتتى. ناۋقاستاردى اۋرۋحاناعا جاتقىزۋ كٶرسەتكٸشٸ دە ەكٸ ەسە تٶمەندەدٸ.
«دەگەنمەن, اۋىر زارداپتار مەن ٶلٸمگە ەكەلەتٸن جاڭا ٸندەتتەر قاۋپٸ ەلٸ دە بار. سوندىقتان ينفەكتسييانىڭ الدىن الۋ, ەپيدەميولوگييالىق زەرتتەۋلەر جٷرگٸزۋ, جۇقتىرۋدىڭ جاپپاي تٸزبەگٸن بولدىرماۋ ستراتەگييالىق مٸندەت بولىپ قالا بەرەدٸ», - دەپ اتاپ ٶتتٸ الماتى ەكٸمٸ.
ول مەديتسينالىق قىزمەتتەردٸڭ بارلىق سپەكترٸندەگٸ ساپالى قىزمەتتٸڭ ماڭىزىن قاداپ تۇرىپ ايتتى. امبۋلاتورييالىق-ەمحانالىق كٶمەك جٷيەسٸ سكرينينگتٸك جەنە پروفيلاكتيكالىق تەكسەرۋلەردٸ جالعاستىرۋى تيٸس.
سونىمەن قاتار, ول قالانىڭ دەنساۋلىق ساقتاۋ جٷيەسٸنٸڭ ينفراقۇرىلىمىن جاقسارتۋ جۇمىستارى جالعاسا بەرەتٸنٸن ايتتى. سوڭعى ەكٸ جىلدا, پاندەميياعا قاراماستان, ەكٸ مودۋلدٸك اۋرۋحانا مەن 1080 تٶسەك ورىندى ينفەكتسييالىق اۋرۋحانانىڭ فيليالى سالىندى. قالاداعى 18 ٸرٸ اۋرۋحانادا وتتەگٸ ستانتسييالارى ورناتىلدى. كەرٸزدٸك اعىندار مەن مەديتسينالىق قالدىقتاردى زالالسىزداندىرۋ جٷيەلەرٸ جاڭاردى.
قازٸرگٸ ۋاقىتتا انا مەن بالانىڭ دەنساۋلىعىن قورعاۋ ٷشٸن تيپتٸك قابىلداۋ بٶلٸمٸ جەنە تازا بٶلمەلەر كەشەنٸ ەرٸ زاماناۋي وپەراتسييالىق بلوگى, رەانيماتسييا بٶلٸمٸ بار قۇرىلىس جوباسى ەزٸرلەنٸپ جاتىر. سونداي-اق, جاڭا دەرٸگەرلٸك امبۋلاتورييالىق-ەمحانالىق مەكەمەلەر سالۋ جوسپاردا.
«ەكٸمدٸككە قاراستى قالانىڭ مەديتسينالىق ۇيىمدارىندا 19 مىڭنان استام مەديتسينا قىزمەتكەرٸ جۇمىس ٸستەيدٸ. كادر تاپشىلىعىن ازايتۋ ٷشٸن جول كارتاسى جٷزەگە اسىرىلۋدا, 120 رەزيدەنتتٸ ٶتە تاپشى مەديتسينالىق ماماندىقتار بويىنشا وقىتۋ ٷشٸن جەرگٸلٸكتٸ بيۋدجەتتەن قارجى بٶلٸندٸ», - دەدٸ باقىتجان ساعىنتاەۆ.
