كارانتين ۋاقىتىندا قالا ٸشٸندە ادامداردىڭ ارى-بەرٸ جٷرۋٸنە تىيىم سالىنبايدى, قوعامدىق كٶلٸكتەر جٷرە بەرەدٸ. بۇل تۋرالى الماتى قالاسى ەكٸمٸنٸڭ ورىنباسارى ەرلان قوجاعاپانوۆ 18 ناۋرىز كٷنگٸ بريفينگ كەزٸندە ايتتى. ونىڭ ايتۋىنشا, 22 ناۋرىز تٷنگٸ ساعات 00.00-دە قالا تولىق جابىلادى. قالاعا كٸرگٸسٸ كەلگەندەر نەمەسە شىعاتىندار وسى ۋاقىتقا دەيٸن الماتىعا كٸرٸپ نەمەسە قالادان شىعىپ ٷلگەرۋٸ تيٸس. بۇل قالادا جۇمىس ٸستەپ, قالا اۋماعىندا تۇراتىندارعا دا قاتىستى دەدٸ ول.
ونىڭ ايتۋىنشا, كارانتين كەزٸندە جەدەل مەديتسينالىق جەردەم, قۇتقارۋ قىزمەتٸ سيياقتى قالانىڭ تٸرشٸلٸگٸ ٷشٸن ماڭىزدى كٶلٸكتەردٸڭ ٶتۋٸنە عانا رۇقسات بەرٸلەدٸ. ولار قالاعا كٸرەر كەزدە تولىق دەزينفەكتسييادان ٶتەدٸ.
«بارلىق ايماق تۇرعىندارىنا, اتاپ ايتقاندا الماتى وبلىسىنىڭ تۇرعىندارىنا قاراتا ايتقىم كەلەدٸ. ولار 72 ساعات ٸشٸندە قالادان شىعىپ ٷيلەرٸنە جەتٸپ الۋ كەرەك. الماتى تۇرعىندارىنا تولىق وقشاۋلانۋعا كەڭەس بەرەمٸن.
22 ناۋرىزدا بارلىق بلوك پوست جابىلادى. قالا تۇرعىندارىنا كٶلٸك كەپتەلٸسٸ بولماس ٷشٸن ٶز قوزعالىستارىن رەتتەپ الۋدى ۇسىنامىز. سونىمەن قاتار جەڭٸل كٶلٸكتەر مەن اۆتوبۋستاردىڭ شىعۋىنا تىيىم سالىنادى», - دەدٸ ول.
ەرلان قوجاعاپانوۆتىڭ ايتۋىنشا, 22 ناۋرىز تٷنگٸ ساعات 00.00-دەن باستاپ تەمٸر جول, ٸشكٸ ەۋە رەيستەرٸ دە تۇتاس توقتايدى. تەك حالىقارالىق رەيستەرمەن ۇشاتىن جولاۋشىلارعا قانداي دا بٸر "ارتىقشىلىق" بەرٸلۋٸ مٷمكٸن.
ونىڭ ايتۋىنشا, كارانتين ۋاقىتىندا ازىق-تٷلٸك ساتاتىن ساۋدا ورىندارى, ساياباقتار جۇمىس ٸستەي بەرەدٸ. دەمحانا, مەيرامحانالاردان تاماقتى ساتىپ الىپ كەتۋگە عانا بولادى.
سوڭعى رەسمي دەرەك بويىنشا, قازاقستاندا 35 ادامنان كوروناۆيرۋس تابىلعان. 17 ناۋقاس - الماتىدا, 18 ادام نۇر-سۇلتاندا ەمدەلٸپ جاتىر.
پرەزيدەنت قاسىم-جومارت توقاەۆ دٷنيەجٷزٸلٸك دەنساۋلىق ساقتاۋ ۇيىمىنىڭ جاڭا COVID-19 كوروناۆيرۋسىن پاندەمييا دەپ جارييالاۋىنا بايلانىستى قازاقستاننىڭ بارلىق اۋماعىنا 2020 جىلدىڭ 16 ناۋرىز ساعات 8.00-دەن باستاپ, 2020 جىلدىڭ 15 سەۋٸر ساعات 7.00-گە دەيٸن تٶتەنشە جاعداي ەنگٸزگەن.
19 ناۋرىز تٷنگٸ ساعات 00.00-دەن باستاپ الماتى مەن نۇر-سۇلتاندا كارانتين ەنگٸزٸلەدٸ.
