مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا حالىققا كٶپٸرمە سٶز, بوس ۋەدە ەمەس, كٶزبەن كٶرٸپ, قولمەن ۇستاۋعا بولاتىن وڭ ٶزگەرٸستەر كەرەگٸن ايتتى, دەپ حابارلايدى قازاقپارات.
«قازٸرگٸ حالىقارالىق احۋال قىرعي-قاباق سوعىستىڭ ەڭ قيىن كەزەڭٸن ەسكە تٷسٸرەدٸ. بٸراق, شەگٸنە جەتە بۋىرقانعان, مەملەكەتتەر قاتاڭ سانكتسييالارمەن تٸرەسكەن, جەر جٷزٸنە قانداي كەسٸرٸ تيەتٸنٸ بەيمەلٸم بولىپ تۇرعان بٷگٸنگٸ جاعدايدى ادامزات بۇرىن-سوڭدى كٶرمەگەن تەڭدەسسٸز قيىندىق دەۋگە ەبدەن بولادى. سوندىقتان, بٸز ٷشٸن كٶزدەگەن ماقساتتان اۋىتقىماۋدىڭ, ەلٸمٸزدٸڭ تۇتاستىعىن, جالپىۇلتتىق بٸرلٸگٸ مەن تٸلەكتەستٸگٸن ساقتاۋدىڭ ٶمٸرلٸك ماڭىزى بار», - دەدٸ پرەزيدەنت.
توقاەۆ رەفورما جاساپ جاتىرمىز دەگەن اتاق ٷشٸن عانا رەفورما جاساۋدىڭ قاجەتٸ جوعىن ايتتى.
«مەن مۇنى بٸرنەشە رەت ايتتىم. بٸز بۇل ٶزگەرٸستەردٸ جۇرتقا جاقسى كٶرٸنۋ ٷشٸن جاسامايمىز. قۇلاققا جاعىمدى, بٸراق ورىندالۋى ەكٸتالاي, كٷمەندٸ كٶرسەتكٸشتەرگە الدانبايمىز. قاعاز بەتٸندە عانا جٷزەگە اسىرىلعان, بٸراق شىندىققا ەش جاناسپايتىن جالعان تابىستارعا ماساتتانىپ وتىراتىن زامان كەلمەسكە كەتتٸ. حالىققا كٶپٸرمە سٶز, بوس ۋەدە ەمەس, كٶزبەن كٶرٸپ, قولمەن ۇستاۋعا بولاتىن وڭ ٶزگەرٸستەر كەرەك.
بٸز كەز كەلگەن مەسەلەنٸ اشىق ايتىپ, ونى شەشۋدٸڭ وڭتايلى جولدارىن بٸرگە ٸزدەۋٸمٸز قاجەت. ەكونوميكاداعى, ساياساتتاعى جاساندى مونوپولييالاردى تٷبٸرٸمەن جويۋعا تيٸسپٸز. ونىڭ ورنىنا اشىق ەرٸ ەدٸل بەسەكە ورناتۋ ٶتە ماڭىزدى. سەبەبٸ ناعىز بەسەكە بولعاندا عانا حالىقتىڭ ەل-اۋقاتى ارتىپ, جاعدايى جاقسارادى», - دەدٸ مەملەكەت باسشىسى.
