_d_850.jpg)
Instagram جەلٸسٸندەگٸ پٸكٸردە شەشەنستان باسشىسى رامزان قادىروۆتى "شايتان" دەگەن جاسٶسپٸرٸمنٸڭ ەكەسٸ مەن باسقا تۋىستارى ودان كەشٸرٸم سۇرادى. كەشٸرٸم سۇراعان ۆيدەونى "گروزنىي" مەملەكەتتٸك تەلەارناسى كٶرسەتتٸ.
15 جاستاعى وقۋشىنىڭ ەكەسٸ ۇلىن "دۇرىس تەربيەلەمەگەنٸ ٷشٸن" كەشٸرٸم ٶتٸنٸپ, بالاسىن جاقسىلاپ تەربيەلەۋگە ۋەدە بەردٸ. ەكەسٸ كەشٸرٸم سۇراپ جاتقاندا بالا ونىڭ جانىندا وتىردى.
تەلەارنادا جارييالانعان روليكتە بالانىڭ تۋىسىمىز دەگەن بەس ەركەك "ٸنٸسٸنٸڭ ەرەكەتٸ ٷشٸن ۇيالاتىنىن" ايتادى. ولار كامەراعا قاراماي, بەتٸن جاسىرىپ وتىردى.
"گروزنىي" تەلەارناسىنىڭ تٸلشٸسٸنٸڭ سٶزٸنشە, جاسٶسپٸرٸم داعىستاندا تۋعان, قازٸر ەكەسٸمەن مەسكەۋ ماڭىنداعى چەحوۆ قالاسىندا تۇرادى.
17 مامىردا قادىروۆ Instagram جەلٸسٸندە تٸكەلەي ەفيرگە شىعىپ وتىرعاندا ٶزٸن "شايتان" دەپ اتاعان ادامعا "سەنٸ تاۋىپ, كٶزٸڭدٸ قۇرتامىن" دەگەن.
شەشەنستاندا قادىروۆتى سىناعان ادامداردى يا ولاردىڭ تۋىستارىنىڭ تەلەارناعا شىعارىپ كەشٸرٸم سۇراتۋ قالىپتى جاعدايعا اينالىپ كەتتٸ.
مەسەلەن, بيلٸك بەرگەن ازىق-تٷلٸك قورابىندا نان مەن قىزاناق عانا بولعانىن ايتقان تۇرعىن دا جۇرتتىڭ كٶزٸنشە بيلٸكتەن كەشٸرٸم سۇراعان. 16 جاستاعى ماگومەد ەسٸمدٸ تۇرعىن جەلٸدە قادىروۆتى "دۇرىس ادام ەمەس" دەگەنٸ ٷشٸن تەلەارناعا شىققان. ول اناسى ەكەۋٸ قادىروۆتان كەشٸرٸم سۇراعان ەدٸ. ولار تۋرالى ۆيدەو 46 مينۋتقا سوزىلعان.
