اقش ەسكەريلەرٸ بٷگٸن, 26 تامىزدا كابۋل ەۋەجايىنىڭ ماڭىندا ٷلكەن جارىلىس بولعانىن حابارلادى.
پەنتاگوننىڭ رەسمي ٶكٸلٸ دجون كيربي Twitter جەلٸسٸندە جارىلىستان ادام شىعىنى بار دەپ مەلٸمدەدٸ.
Reuters اقش ەسكەرٸندەگٸ دەرەككٶزٸنە سٷيەنٸپ, جانكەشتٸ ٶز-ٶزٸن جارىپ جٸبەرگەنٸن جازدى. بۇدان بٶلەك, Reuters اگەنتتٸگٸ "تاليبان" قوزعالىسىنىڭ (قازاقستان مەن باسقا دا ەلدەردە تەرروريستٸك ۇيىم دەپ تانىلعان ۇيىم) رەسمي ٶكٸلدەرٸنە سٷيەنٸپ, جارىلىستان كەمٸ 13 ادام قايتىس بولعانىن حابارلادى.
بۇعان دەيٸن اقش-تىڭ رەسمي ٶكٸلدەرٸ "جانكەشتٸ تەرروريست ەۋەجايعا شابۋىل جاساۋى مٷمكٸن ەكەنٸن" ەسكەرتكەن.
"تاليبان" قوزعالىسى اۋعانستاندا بيلٸكتٸ قايتا قولعا العان سوڭ ەلدەگٸ جاعداي ۋشىققان.
كەيٸنگٸ كٷندەرٸ كابۋل ەۋەجايىنداعى ەۆاكۋاتسييا ٷدەي تٷستٸ. اقش پەن ونىڭ وداقتاستارى ٶز ازاماتتارى مەن ەلشٸلٸكتەرٸنە قىزمەت ەتكەن اۋعانداردى جاپپاي ەكەتٸپ جاتىر. تەلٸپتەردەن ٷرەيلەنٸپ, ەلدەن كەتۋگە بەل بۋعان اۋعان ازاماتتارى ەۋەجايعا اعىلىپ, دٷرلٸگۋ بايقالدى.
