اقش-تا ميسسۋري شتاتىنىڭ سوتى Johnson & Johnson كومپانيياسىنان 22 ەيەلدٸڭ پايداسىنا 4,69 ملرد دوللار ٶتەماقى ٶندٸرۋ تۋرالى شەشٸم شىعاردى.
ولار بٸرنەشە جىل بويى بالالار سەپپەسٸن قولدانىپ, ونىڭ سالدارىنان انالىق بەزٸ قاتەرلٸ ٸسٸگٸنە شالدىققاندارىن ايتقان, دەپ حابارلايدى قازاقپارات Reuters اگەنتتٸگٸنە سٸلتەمە جاساپ.
كومپانييانىڭ تٶلەۋگە مٸندەتتٸ سوماسى - اقش تاريحىندا ساپاسىز ٶنٸم ٸسٸ بويىنشا ٶندٸرٸلگەن قارجىنىڭ رەكوردتىق كٶرسەتكٸشتەرٸنٸڭ بٸرٸ.
شاعىم تٷسٸرگەن ەيەلدەردٸڭ بارلىعى J&J كومپانيياسىن بالالار ۇنتاعىنا تىيىم سالىنعان اسبەست قوستى دەپ ايىپتاعان.
القابيلەر سوتى بۇل ٸستٸ بەس اپتا بويى قاراپ, ەكٸ تاراپتىڭ ونداعان ساراپشىسىن تىڭداعان.
J&J ٶز كەزەگٸندە كومپانييا ٶنٸمدەرٸنٸڭ زييان كەلتٸرەتٸنٸن جوققا شىعاردى.
"Johnson & Johnson ٷكٸممەن كەلٸسپەيدٸ, بۇل شەشٸمگە شاعىم تٷسٸرۋگە نيەتتٸ», - دەلٸنگەن كومپانييانىڭ مەلٸمدەمەسٸندە.
J&J اكتسيياسى ٷكٸم شىققاننان كەيٸن 1%-عا قۇلاعان.
