يزرايل بيلٸگٸ اۋرۋ جۇقتىرعاندار سانىنىڭ كٷرت ٶسۋٸنە بايلانىستى قايتادان جالپىۇلتتىق لوكداۋن ەنگٸزۋ مٷمكٸندٸگٸن تالقىلاۋدا, دەپ حابارلايدى BBC اگەنتتٸگٸ.
سونىمەن قاتار, بٷكٸل ەل بويىنشا ەپيدەميولوگييالىق جاعدايى ەڭ قولايسىز 40 «قىزىل ايماقتا» جەرگٸلٸكتٸ شەكتەۋلەر ەنگٸزٸلدٸ. سەرسەنبٸدە ەلدٸڭ دەنساۋلىق ساقتاۋ مينيسترلٸگٸ اۋرۋعا شالدىعۋدىڭ 3904 جاڭا جاعدايى تۋرالى حابارلادى, بۇل – پاندەمييا باستالعاننان بەرگٸ جاڭا تەۋلٸكتٸك رەكورد. قازٸرگٸ ۋاقىتتا ەلدەگٸ كوروناۆيرۋس جۇقتىرۋ جاعدايلارىنىڭ جالپى سانى 142,5 مىڭنان اسادى, 1054 ناۋقاس كٶز جۇمعان.
يندونەزييا استاناسى دجاكارتا بيلٸگٸ قالاداعى جاعداي تٶتەنشە جاعدايعا جاقىن دەپ وتىر. سوڭعى بٸرنەشە كٷندە قالالىق اۋرۋحانالار كوروناۆيرۋس دياگنوزى راستالعان ناۋقاستارعا تولىپ قالعان. دٷيسەنبٸدەن باستاپ ەل استاناسىنداعى اۋدانداردىڭ كٶپشٸلٸگٸندە قاتاڭ شەكتەۋلەر قايتا قولدانىلادى.
