يزرايل مينيسترلەر كابينەتٸ گازا سەكتورىندا اتىستى توقتاتۋدى ماقۇلدادى. بۇل تۋرالى يزرايل پرەمەر-مينيسترٸ بينيامين نەتانياحۋدىڭ باسپاسٶز حاتشىسى مەلٸم ەتتٸ, دەپ جازدى يزرايلدٸك باق.
كٶپ ۇزاماي حاماس دٸني قوزعالىسى دا ۇرىس قيمىلدارىن توقتاتۋعا دايىن ەكەنٸن بٸلدٸردٸ. قوزعالىس ٶكٸلٸ يزرايل-پالەستينا اراسىنداعى ەسكەري ەرەكەتتەر باستالعاننان 11 كٷننەن كەيٸن بٸتٸمگە كەلگەنٸن ايتتى.
"اتىستى توقتاتۋعا ٶزارا كەلٸستٸك, ول ەكٸ جاقتا دا 21 مامىردا جەرگٸلٸكتٸ ۋاقىت بويىنشا تٷنگٸ ساعات 2-دە (نۇر-سۇلتان ۋاقىتىمەن 5:00-دە) كٷشٸنە ەنەدٸ", - دەدٸ حاماس باسشىسى يسمايل حانييانىڭ گازاداعى ٶكٸلٸ.
بەيسەنبٸ كٷنٸ يزرايل جەنە اراب باسىلىمدارى دا تەل-اۆيۆتٸڭ اراداعى تاتۋلاستىرۋشى ەل – ەگيپەتكە اتىستى توقتاتۋ نيەتٸ جايلى حابارلاعانىن جازدى. جۋرناليستەردٸڭ مەلٸمەتٸنشە, پالەستينالىق حاماس راديكالدى قوزعالىسى 21 مامىردان باستاپ اتىستى توقتاتۋعا دايىن ەكەنٸن جەتكٸزگەن.
حاماس-تاعى قۇپييا دەرەككٶزٸ ليۆاندىق باسىلىمدارعا اقش پرەزيدەنتٸ دجو بايدەن مەن يزرايل پرەمەر-مينيسترٸ بينيامين نەتانياحۋ اراسىنداعى تەلەفون ەڭگٸمەدەن كەيٸن بٸتٸم جايلى اقپارات شىعا باستاعانىن ايتقان. بايدەن نەتانياحۋعا قىسىم جاسادى دەگەن جورامال دا بار.
كەيبٸر اقپارات قۇرالدارىنداعى مەلٸمەت بويىنشا, بٸتٸستٸرۋشٸلەر پالەستينالىقتاردان اتىستى بٸرٸنشٸ توقتاتۋىن سۇراعان, الايدا حاماس ۇسىنىستان باس تارتىپ, تاراپتار شابۋىلدى بٸر مەزگٸلدە دوعارۋى تيٸس دەگەن.
تاراپتار اراسىندا بٸتٸم ۇزاق ۋاقىتقا سوزىلۋى ٷشٸن ەگيپەت يزرايل جەنە پالەستينا ٶكٸلدەرٸ اراسىندا كەزدەسۋ ۇيىمداستىرۋعا كٷش سالادى دەگەن دە اقپارات بار.
دەگەنمەن كەلٸسٸم جايلى اقپاراتتارعا قاراماستان بەيسەنبٸ كٷنٸ كەشكە گازا سەكتورىنان يزرايل جاققا قاراي زىمىراندار جٸبەرٸلگەن.
ٶتكەن اپتانىڭ دٷيسەنبٸسٸنەن بەرٸ يزرايل مەن پالەستينالىق توپتار بٸر-بٸرٸنە كەزەك-كەزەك اياۋسىز سوققى جاساپ جاتىر. يزرايل جاعىنا قاراي 4 مىڭنان استام زىمىران ۇشىرىلعان. كەيبٸرٸ عانا نىساناعا جەتكەن. بٸرقاتار قالالار بٷلٸنگەن, سوڭعى مەلٸمەت بويىنشا يزرايلدٸڭ 12 تۇرعىنى قازا بولعان. ٶز كەزەگٸندە يزرايل ەسكەرٸ دە گازاداعى حاماس راديكالدى توبىنىڭ نىساندارىنا سوققى جاساپ جاتىر. الايدا قازا بولعاندار اراسىندا بەيبٸت تۇرعىندار از ەمەس. گازادا بارلىعى 220-دان استام ادام وپات بولعان.
ساراپشىلاردىڭ ايتۋىنشا, بۇل - 2014 جىلدان بەرگٸ وسى ايماقتا بولعان ٸرٸ قاقتىعىس. وعان شىعىس يەرۋساليمنەن بٸرنەشە پالەستينالىقتى كٶشٸرۋ تۋرالى سوت شەشٸمٸ تٷرتكٸ بولعان.
