يزرايل اۆياتسيياسى حاماس راديكالدى قوزعالىسىنىڭ گازا سەكتورىنداعى ەسكەري نىساندارىنا شابۋىل جاسادى. ەسكەريلەر مۇنى ۇيىمنىڭ يزرايل اۋماعىن اتقىلاۋىنا "جاۋاپ" رەتٸندە اتادى. بۇعان قوسا, ولاردىڭ سٶزٸنشە, ەلدٸڭ وڭتٷستٸگٸندە جارىلعىش زاتتارى بار ەۋە شارلارى تابىلعان.
اقش پرەزيدەنتٸ دونالد ترامپ يزرايل مەن پالەستينا اۆتونوميياسى اراسىنداعى قاقتىعىستى رەتتەۋدٸڭ جولىن ۇسىنعاننان كەيٸن تاياۋ شىعىستاعى جاعداي قايتا ۋشىققان. ترامپ يوردان ٶزەنٸنٸڭ باتىس جاعالاۋىنداعى اۋماقتىڭ بٸر بٶلٸگٸ مەن گازا سەكتورىندا پالەستيندٸك تەۋەلسٸز مەملەكەت قۇرۋدى ۇسىنعان. قۇجاتتا يەرۋساليم يزرايلدٸڭ اجىراماس بٶلٸگٸ رەتٸندە كٶرسەتٸلگەن.
دونالد ترامپ ٶزٸنٸڭ ۇسىنىسىن "عاسىر كەلٸسٸمٸ" دەپ اتاعان. يزرايل بيلٸگٸ ونى قولداعانمەن پالەستينا اۆتونوميياسىنىڭ جەتەكشٸسٸ مۇنداي شارتتاردى ەشقاشان قابىلدامايتىنىن ايتقان.
The Washington Post گازەتٸنٸڭ جازۋىنشا, ترامپ ەكٸمشٸلٸگٸ ەۋ باستا-اق ابباستىڭ "عاسىرلىق كەلٸسٸمدٸ" قابىلدامايتىنىن بٸلگەنٸن, قۇجاتتىڭ نەگٸزگٸ ماقساتى ەلدە ٸشكٸ ساياسي داعدارىس جالعاسىپ جاتقان تۇستا يزرايلدٸ قولداۋ بولعانىن جازعان.
