16 ماۋسىمدا تاڭ اتپاي تۇرىپ يزرايل ەۋە كٷشتەرٸ گازا سەكتورىنداعى حاماس نىساندارىن اتقىلادى. يزرايل ەسكەرٸنٸڭ حابارلاۋىنشا, پالەستينا اۋماعىنان يزرايلدٸڭ وڭتٷستٸگٸنە قاراي "جانعىش زاتتار تولتىرىلعان شارلار" ۇشىرىلعان, سوعان "جاۋاپ" رەتٸندە ەۋەدەن شابۋىل جاسالعان.
بۇل ٶتكەن ايدا ەكٸ تاراپ اراسىندا اتىستى توقتاتۋ تۋرالى كەلٸسٸم كٷشٸنە ەنگەننەن كەيٸنگٸ العاشقى شابۋىل. يزرايل ەسكەرٸنٸڭ حابارلاۋىنشا, پالەستينادان ۇشىرىلعان "جاناتىن شارلار" ەلدٸڭ وڭتٷستٸگٸندە بٸرقاتار القاپتىڭ ٶرتەنۋٸنە تٷرتكٸ بولعان. يزرايل ەسكەرٸ تاراتقان حابارلامادا حاماس توبىنىڭ ەسكەري كەشەندەردٸ شابۋىلدى ۇيىمداستىرۋ ٷشٸن پايدالاناتىنى جازىلعان. "وقيعا قالاي ٶربٸمەسٸن, يزرايل كەز كەلگەن جاعدايعا ساقاداي ساي دايىن وتىر" دەلٸنگەن مەلٸمدەمەدە.
15 ماۋسىمدا يزرايل تۋىن ۇستاعان جٷزدەگەن ۇلتشىل شىعىس يەرۋساليمدە شەرۋلەتٸپ جٷرگەن. "جانعىش شارلار" مەن ەۋە شابۋىلى جايلى اقپارات سول شارادان كەيٸن پايدا بولدى.
1967 جىلى يزرايل گازانى, باتىس جاعالاۋدى جەنە شىعىس يەرۋساليمدٸ باسىپ العان. وسى وقيعانى جىل سايىن اتاپ ٶتەتٸندەر ەدەتتە مۇسىلماندار داڭعىلىمەن جٷرەتٸن. بٸراق بيىل يزرايل بيلٸگٸ شەرۋشٸلەردٸڭ جٷرەتٸن جولىن ٶزگەرتتٸ.
پالەستينالىقتار شەرۋدٸ "ارانداتۋ" دەپ باعالاپ, فاتح پەن حاماس گازا سەكتورى مەن باتىس جاعالاۋدا "اشۋ-ىزا كٷنٸن" ٶتكٸزۋگە ٷندەگەن.
