شىعىس قازاقستان وبلىسىنىڭ تۇرعىنى وقۋشى قىزعا قاراقشىلىق شابۋىل جاساعانى ٷشٸن بەس جىلعا باس بوستاندىعىنان ايىرىلدى.
وقيعا مامىر ايىنىڭ سوڭىندا بولعان, بٸراق شابۋىلدىڭ مەن-جايى سوت وتىرىسىندا بەلگٸلٸ بولدى, دەپ جازادى Sputnik قازاقستان اگەنتتٸگٸ YK-News پورتالىنا سٸلتەمە جاساپ.
سوت ماتەريالدارىنا سٷيەنسەك, سول كٷنٸ قىز قۇربىسىمەن بٸرگە كٷن باتقانعا دەيٸن كٶشەدە جٷرگەن. قاراڭعى تٷسكەندە, ٷيلەرٸنە تاراعان. وقۋشىنىڭ قۇلاعىندا سىمسىز قۇلاققاپ بولعان, سول سەبەپتٸ ارتىندا بٸرەۋ كەلە جاتقانىن ەستٸمەگەن. تەلەفونداعى كەزەكتٸ ەۋەن اياقتالۋعا تاقاعاندا عانا ەلەڭ ەتكەن. دەل سول سەتتە ەر ادام وعان تاپ بەرٸپ, قولىنداعى يزولەنتامەن بۋىندىرماق بولعان. بٸراق وقۋشى قىز قولىن لەنتانىڭ استىنان ٶتكٸزٸپ ٷلگەرٸپ, كٷشپەن جۇلقىپ قالعان. يزولەنتا ٷزٸلٸپ, بٸر بٶلٸگٸ ونىڭ شاشىنا جابىستى, ال ەكٸنشٸ بٶلٸگٸ قىلمىسكەردٸڭ قولىندا قالدى.
ەر ادام قىزدى گازونعا قۇلاتىپ, باسىنان ۇرا باستاعان. قىز قارسىلاسىپ, كٶمەككە شاقىرعان. سول ماڭنان ٶتٸپ بارا جاتقان جاستار ايعايدى ەستٸپ, كٶمەككە ۇمتىلعاندا قىلمىسكەر قورقىپ, ٸزٸن جاسىرىپتى.
بٸراز ۋاقىت ٶتكەن سوڭ قۇقىق قورعاۋشىلار قاسكٶيدٸ ٶزٸ تۇراتىن بەلوۋسوۆكا اۋىلىنان (ٶسكەمەن ماڭى) تاپتى. ۇستالعان ادام بۇعان دەيٸن دە ٸستٸ بولعان. قىز ٶزٸنە شابۋىل جاساعان ەر ادامدى تانىدى.
سوت قاراقشىلىق شابۋىل جاساعانى ٷشٸن قىلمىسكەردٸ بەس جىلعا باس بوستاندىعىنان ايىردى. سونداي-اق ول جەبٸرلەنۋشٸگە مورالدىق جەنە ماتەريالدىق شىعىن رەتٸندە جارتى ميلليون ٶتەماقى تٶلەۋٸ كەرەك.
