قازاقستان مۇسىلماندارى دٸني باسقارماسىنىڭ 30 جىلدىعىنا وراي اقتاۋ قالاسىندا ۇيىمداستىرىلعان «ەدەمٸ ەۋەزدٸ ازانشى» رەسپۋبليكالىق ٸV ازانشىلار جارىسى قورىتىندىلاندى, دەپ حابارلايدى "ۇلت اقپارات".
وسىمەن تٶرتٸنشٸ رەت ٶتكەن جارىستا قازىلار القاسىنىڭ شەشٸمٸمەن باس جٷلدەنٸ نۇر-سۇلتان قالاسىنداعى رەسپۋبليكالىق «ەزٸرەت سۇلتان» مەشٸتٸنٸڭ ازانشىسى ەرلان بيتەنوۆ جەڭٸپ السا, ەكٸنشٸ ورىن ماڭعىستاۋ وبلىسى, جاڭاٶزەن قالاسىنىڭ نايب يمامى ەبدٸلمٷتەلٸپ جوراقۇلۇلىنا بۇيىردى. ال ٷشٸنشٸ ورىندى الماتى قالاسىنداعى «نۇر مٷباراك» مەشٸتٸنٸڭ ازانشىسى اقنازار ماراتۇلى قانجىعاسىنا بايلادى. جامبىل وبلىسىنان كەلگەن جالعاسباي جۇباتقانوۆ, قاراعاندىلىق ساعىندىق احمەدييانوۆ پەن قىزىلوردالىق بەكزات جٷسٸپۇلى ىنتالاندىرۋ سىيلىعىنا يە بولسا, جەڭٸمپازداردى قمدب تٶراعاسى, باس مٷفتي ناۋرىزباي قاجى تاعانۇلى ماراپاتتاپ, اق تٸلەگٸن ايتتى.
– قازاقتا «قۇدايعا جاعام دەسەڭ, ازاندى بول, حالىققا جاعام دەسەڭ, قازاندى بول» دەگەن سٶز بار. ازان – شاريعاتتا ٷكٸمٸ بەكٸتٸلگەن سٷننەت. ازاننىڭ دۇرىس بولۋى, ماقامنىڭ ەدەمٸلٸگٸ ٶتە ماڭىزدى. ازانشىلار جارىسىنىڭ ماقساتى دا ولاردىڭ كەسٸبيلٸگٸن ارتتىرۋ, ەدەمٸ ايتۋ عانا ەمەس, ازاننىڭ شارتتارىن دا بٸلۋ كەرەك. ەلەمدٸ جايلاعان پاندەمييا كەزٸندە مەشٸت ەسٸكتەرٸ جابىلعانىمەن, ازان ايتۋ توقتاعان جوق. مەشٸتتەردە بەس مەزگٸل ازان ٷنٸ شارىقتاپ تۇردى. ازان ايتىلعان جەردٸ اللا تاعالا تٷرلٸ جاماندىقتان ساقتايدى. لايىم, ەدەمٸ ەۋەزدٸ ازانشىلار كٶپ بولىپ, حالقىمىزدىڭ يماندىلىعى ارتىپ, جەرٸمٸزدە تىنىشتىق بولعاي, - دەدٸ باس مٷفتي.
سونداي-اق قمدب تٶراعاسى ناۋرىزباي قاجى تاعانۇلى ازانشىلار جارىسىن جىل سايىن دەستٷرلٸ تٷردە ٶتكٸزۋ جوسپاردا بار ەكەنٸن ايتتى. جارىس سوڭىندا جەڭٸمپازدار مەن جٷلدەگەرلەر اقشالاي سىيلىقپەن, سونداي-اق, جارىسقا قاتىسۋشىلار مەن دەمەۋشٸلەر ارنايى العىس حاتپەن ماراپاتتالدى.
