يتالييا تۇرعىنى پابلو پيكاسسونىڭ قۇنى 1 ملن ەۋرودان اساتىن كارتيناسىن لوتەرەيادان ۇتىپ الدى, دەپ حابارلايدى "ۇلت اقپارات" euronews.com رەسۋرسىنا سٸلتەمە جاساپ.
كارتينا 1921 جىلى سالىنعان. ناتيۋرمورت. Christie's اۋكتسيون ٷيٸ ۇيىمداستىرعان ويىندا 50 مىڭ بيلەت ويناتىلعان. ەر بيلەت 100 ەۋروعا ساتىپ الىنعان.
«تٸپتٸ كارتينا ٷيدٸڭ قابىرعاسىندا ٸلٸنٸپ تۇرسا دا, ونى ۇرلاپ كەتەدٸ دەيتٸندەي قاۋٸپ جوق. ەرينە, ونى ساقتاندىرۋ كەرەك بولادى. بٸراق بۇل كارتينانى ميلليونداعان ادام كٶرگەن. بٸر دە بٸر ۇرى ونى قايتا ساتا المايدى», - دەيدٸ لوتەرەيا ۇيىمداستىرۋشىسى پەري كوشەن.
جينالعان اقشادان 900 مىڭ ەۋرو كارتينانىڭ بۇعان دەيٸنگٸ يەسٸنە بەرٸلەدٸ. قالعان سوما قايىرىمدىلىق ۇيىمدارىنا اۋدارىلادى. ول ۇيىمداردىڭ ماقساتى – ماداگاسكار مەن كامەرۋندى تازا اۋىز سۋمەن قامتاماسىز ەتۋ.
«تازا سۋسىز ٶمٸر سٷرۋ مٷمكٸن ەمەس. كوروناۆيرۋس ادام ٶمٸرٸ سۋسىز قانشالىقتى قيىن ەكەنٸن بٸزگە كٶرسەتٸپ بەردٸ. قول جۋۋ – كوروناۆيرۋستان ساقتانۋدىڭ ەڭ تيٸمدٸ جولى. بٸراق سۋ بولماسا, قولىڭدى قالاي جۋاسىڭ?», - دەپ اتاپ ٶتتٸ كوشەن.
ۇيىمداستىرۋشىلاردىڭ ايتۋىنشا, باقىتتى بيلەت جەلتوقساندا ساتىپ الىنىپ, لوتەرەيا جەڭٸمپازىنا سىيعا بەرٸلگەن.
