Italiia turǵyny Pablo Pikassonyń quny 1 mln eýrodan asatyn kartinasyn lotereiadan utyp aldy, dep habarlaidy "Ult aqparat" euronews.com resýrsyna silteme jasap.
Kartina 1921 jyly salynǵan. Natiýrmort. Christie's aýktsion úii uiymdastyrǵan oiynda 50 myń bilet oinatylǵan. Ár bilet 100 eýroǵa satyp alynǵan.
«Tipti kartina úidiń qabyrǵasynda ilinip tursa da, ony urlap ketedi deitindei qaýip joq. Árine, ony saqtandyrý kerek bolady. Biraq bul kartinany milliondaǵan adam kórgen. Bir de bir ury ony qaita sata almaidy», - deidi lotereia uiymdastyrýshysy Peri Koshen.
Jinalǵan aqshadan 900 myń eýro kartinanyń buǵan deiingi iesine beriledi. Qalǵan soma qaiyrymdylyq uiymdaryna aýdarylady. Ol uiymdardyń maqsaty – Madagaskar men Kamerýndy taza aýyz sýmen qamtamasyz etý.
«Taza sýsyz ómir súrý múmkin emes. Koronavirýs adam ómiri sýsyz qanshalyqty qiyn ekenin bizge kórsetip berdi. Qol jýý – koronavirýstan saqtanýdyń eń tiimdi joly. Biraq sý bolmasa, qolyńdy qalai jýasyń?», - dep atap ótti Koshen.
Uiymdastyrýshylardyń aitýynsha, baqytty bilet jeltoqsanda satyp alynyp, lotereia jeńimpazyna syiǵa berilgen.
