يتالييا عالىمدارى كوروناۆيرۋس اعىنىنىڭ بەسەڭدەۋٸن كٶرسەتەتٸن زەرتتەۋ دەرەكتەرٸن ۇسىندى, دەپ حابارلايدى "ۇلت اقپارات" COVID-19 تارالۋىنا جول بەرمەۋ جٶنٸندەگٸ ۆەدومستۆوارالىق كوميسسيياعا سٸلتەمە جاساپ.
بۇل كٷزدە پاندەمييانىڭ كەلەسٸ تولقىنى بولمايتىنىنا سەنۋگە مٷمكٸندٸك بەرەدٸ.
ميلان ۋنيۆەرسيتەتٸنٸڭ ۆيرۋسولوگى مەن پرورەكتورى ماسسيمو كلەمەنتي مامىر ايىندا يتالييالىق مەديكتەر باستاعان ناۋقاستارعا جٷرگٸزٸلگەن مونيتورينگ COVID-19 بار پاتسيەنتتەردٸڭ اۋرۋ دەرەجەسٸ تٶمەندەگەنٸن كٶرسەتەتٸنٸن ايتتى.
«قارقىندى تەراپييا تالاپ ەتٸلەتٸن ناۋقاستاردىڭ پايىزى ازايىپ كەلەدٸ. وسىعان وراي, ٷي كارانتينٸندە ٶز بەتٸنشە ەمدەلە الاتىن ۆيرۋستى جۇقتىرعانداردىڭ سانى ٶسۋدە. ماسسيمو كلەمەنتي ٸندەتتٸڭ باستاپقى كەزەڭٸندە مامىر ايىنىڭ سوڭىنا قاراعاندا ون ەسە جوعارى بولعانىن اتاپ ٶتتٸ. بۇل ۆيرۋستىڭ ادام اعزاسىنا بەيٸمدەلٸپ, ەلسٸرەي تٷسەتٸنٸن بٸلدٸرۋٸ مٷمكٸن» دەلٸنگەن حابارلامادا.
عالىمنىڭ ايتۋىنشا, بٸرقاتار ەلدەردەن كەلٸپ تٷسكەن دەرەكتەر وسى گيپوتەزانى راستايدى. مۇنداي كٶرسەتكٸشتەر كەزٸندە كٷزدە ددسۇ بولجاپ وتىرعان پاندەمييانىڭ ەكٸنشٸ تولقىنى بولماۋى مٷمكٸن.
