Italiia ǵalymdary koronavirýs aǵynynyń báseńdeýin kórsetetin zertteý derekterin usyndy, dep habarlaidy "Ult aqparat" COVID-19 taralýyna jol bermeý jónindegi vedomstvoaralyq komissiiaǵa silteme jasap.
Bul kúzde pandemiianyń kelesi tolqyny bolmaitynyna senýge múmkindik beredi.
Milan ýniversitetiniń virýsology men prorektory Massimo Klementi mamyr aiynda italiialyq medikter bastaǵan naýqastarǵa júrgizilgen monitoring COVID-19 bar patsientterdiń aýrý dárejesi tómendegenin kórsetetinin aitty.
«Qarqyndy terapiia talap etiletin naýqastardyń paiyzy azaiyp keledi. Osyǵan orai, úi karantininde óz betinshe emdele alatyn virýsty juqtyrǵandardyń sany ósýde. Massimo Klementi indettiń bastapqy kezeńinde mamyr aiynyń sońyna qaraǵanda on ese joǵary bolǵanyn atap ótti. Bul virýstyń adam aǵzasyna beiimdelip, álsirei túsetinin bildirýi múmkin» delingen habarlamada.
Ǵalymnyń aitýynsha, birqatar elderden kelip túsken derekter osy gipotezany rastaidy. Mundai kórsetkishter kezinde kúzde DDSU boljap otyrǵan pandemiianyń ekinshi tolqyny bolmaýy múmkin.
