قر سىرتقى ٸستەر مينيسترلٸگٸنٸڭ بۇرىنعى شەنەۋنٸكتەرٸنە تاعىلعان «قىزمەتتٸك ٶكٸلەتتٸگٸن تەرٸس پايدالاندى» دەگەن ايىپ راستالمادى, دەپ حابارلايدى قازاقپارات تٸلشٸسٸ نۇر-سۇلتان قالاسى سوتىنا سٸلتەمە جاساپ.
نۇر-سۇلتان قالاسى سوتىنىڭ قىلمىستىق ٸستەر جٶنٸندەگٸ سوت القاسى قر سىرتقى ٸستەر مينيسترلٸگٸنٸڭ بۇرىنعى جاۋاپتى حاتشىسى اناربەك قاراشەۆ, قازاقستاننىڭ ٶزبەكستانداعى بۇرىنعى ەلشٸسٸ ەرٸك ٶتەمباەۆ جەنە «ديپلوماتييالىق قالاشىق قۇرىلىسى ديرەكتسيياسى» جشس ديرەكتورى ب. نۇرەكەنوۆكە قاتىستى قىلمىستىق ٸستٸ قارادى.
«ەسكە سالا كەتەيٸك, بۇدان بۇرىن نۇر-سۇلتان قالاسى «بايقوڭىر» اۋدانىنىڭ №2 سوتىنىڭ 2020 جىلعى 18 قىركٷيەكتەگٸ ٷكٸمٸمەن ا.قاراشەۆ (قر سٸم-نٸڭ بۇرىنعى جاۋاپتى حاتشىسى) لاۋازىمدىق ٶكٸلەتتٸگٸن اسىرا پايدالانعانى, ال ە.ٶتەمباەۆ (قر ٶزبەكستانداعى بۇرىنعى ەلشٸسٸ) جەنە ب.نۇرەكەنوۆ (مەردٸگەرلٸك ۇيىمنىڭ ديرەكتورى) - اتالعان ٸس-ەرەكەتتەرگە جەردەمدەسكەنٸ ٷشٸن كٸنەلٸ دەپ تانىلعان بولاتىن», - دەلٸنگەن حابارلامادا.
اپەللياتسييالىق القا اتالعان ٸسكە قاتىستى «قىزمەتتٸك ٶكٸلەتتٸكتٸ تەرٸس پايدالانۋ» ايىبى بويىنشا زالال جوق دەگەن قورىتىندىعا كەلدٸ.
«ا.قاراشەۆتٸڭ لاۋازىمدىق ٶكٸلەتتٸكتەرٸن تەرٸس پايدالانۋى جەنە وعان ە.ٶتەمباەۆ پەن ب.نۇرەكەنوۆتىڭ جەردەمدەسۋ ٸس-ەرەكەتٸ مەن سەبەپ-سالدارى دەلەلدەنبەگەن. ال دەلەل قىلمىس قۇرامىنىڭ مٸندەتتٸ بٶلٸگٸ», - دەپ حابارلايدى قالالىق سوتتان.
لاۋازىمدىق ٶكٸلەتتٸگٸن تەرٸس پايدالانۋ بويىنشا تۇلعانى كٸنەلٸ دەپ تانۋ ٷشٸن كەلەسٸ جاعدايلاردى انىقتاۋ قاجەت:
- جەكە باسىنا, باسقا ادامدارعا نەمەسە ۇيىمدارعا قاتىستى قىزمەتتٸك ٶكٸلەتتٸگٸن پايدالانۋ ماقساتىنىڭ بولۋى;
- قىزمەتتٸك ٶكٸلەتتٸگٸن پايدالانۋ كەزٸندە باسقا ادامدارعا نەمەسە ۇيىمدارعا زييان كەلتٸرۋ.
«سوت تەرگەۋٸ بارىسىندا اپەللياتسييالىق ساتىدا ا.قاراشەۆتٸڭ قىزمەت بابىن تەرٸس پايدالانعانى جەنە ە.ٶتەمباەۆ پەن ب.نۇرەكەنوۆ تاراپىنان جەردەم بەرٸلگەنٸ راستالمادى. ٸستٸ قاراۋ نەتيجەسٸ بويىنشا قىلمىستىق ٸستەر جٶنٸندەگٸ سوت القاسىمەن اقتاۋ ٷكٸمٸ شىعارىلدى», - دەپ جازىلعان سوتتىڭ اقپاراتىندا.
ەسكە سالا كەتسەك, 2020 جىلى 2 قازاندا قر سىرتقى ٸستەر مينيسترلٸگٸنٸڭ بۇرىنعى جاۋاپتى حاتشىسى اناربەك قاراشەۆ پەن قازاقستاننىڭ ٶزبەكستانداعى بۇرىنعى ەلشٸسٸ ەرٸك ٶتەمباەۆقا قاتىستى نۇر-سۇلتان قالاسى «بايقوڭىر» اۋدانى № 2 سوتى ايىپتاۋ ٷكٸمٸن شىعارعان ەدٸ.
