پسيحولوگ نازىم ەسەنوۆانىڭ قازاق ەيەلدەرٸنٸڭ تاريحى, يسلام جەنە تەڭٸرشٸلدٸك تۋرالى ايتقان پٸكٸرٸ ەلەۋمەتتٸك جەلٸدە قىزۋ تالقىعا تٷستٸ, دەپ حابارلايدى ult.kz.
پسيحولوگ Instagram پاراقشاسىندا جارييالاعان ۆيدەوسىندا ٶزٸن قازاق ەكەنٸن, الايدا مۇسىلمان ەمەستٸگٸن اشىق ايتتى. ونىڭ سٶزٸنشە, بۇعان دەيٸن يسلامعا ۇزاق ۋاقىت بويى تەرٸس كٶزقاراستا بولعان, كەيٸن ونىڭ سەبەبٸن تٷسٸنۋ ٷشٸن تاريحتى زەرتتەي باستاعان.
نازىم ەسەنوۆا ەجەلگٸ دالا قوعامىنداعى ەيەلدەردٸڭ ەلەۋمەتتٸك رٶلٸنە دە توقتالدى. ونىڭ ايتۋىنشا, قازاق دالاسىنداعى ەيەلدەر تەك ٷي شارۋاسىمەن شەكتەلمەي, اتقا مٸنٸپ, ساداق اتىپ, ماڭىزدى قوعامدىق شەشٸمدەرگە قاتىسقان. ول قازاقستان اۋماعىنان قارۋ-جاراقپەن بٸرگە جەرلەنگەن ەيەلدەردٸڭ قابٸرلەرٸ تابىلعانىن مىسالعا كەلتٸردٸ.
پسيحولوگ سونداي-اق XIV عاسىردا دەشتٸ قىپشاق دالاسىنا بارعان ساياحاتشى يبن باتتۋتانىڭ جازبالارىن سٶز ەتتٸ. ونىڭ ايتۋىنشا, ساياحاتشى قىپشاق ەيەلدەرٸنٸڭ اتقا مٸنٸپ, جٷزدەرٸن جاپپاي, ەرلەرمەن قاتار قوعامدىق ٶمٸرگە ارالاسقانىن جازعان.
ودان بٶلەك, نازىم ەسەنوۆا قازاقتاردىڭ كٶنە دٷنيەتانىمى رەتٸندە تەڭٸرشٸلدٸك تۋرالى پٸكٸر بٸلدٸردٸ. ول تەڭٸرشٸلدٸكتٸ دەستٷرلٸ دٸننەن گٶرٸ تابيعاتپەن ٷيلەسٸمدٸ ٶمٸر سٷرۋ تەسٸلٸ رەتٸندە سيپاتتادى.
پسيحولوگ قاراحان مەملەكەتٸندە يسلامنىڭ مەملەكەتتٸك دٸن رەتٸندە قابىلدانۋىن دا سٶز ەتتٸ. ونىڭ پايىمداۋىنشا, بۇل شەشٸم اراب ەلەمٸمەن ساۋدا بايلانىستارىن نىعايتۋعا باعىتتالعان ساياسي قادام بولعان. الايدا بۇل تۇجىرىم ونىڭ جەكە ينتەرپرەتاتسيياسى ەكەنٸن اتاپ ٶتكەن جٶن.
نازىم ەسەنوۆا يسلامدانۋ ٷدەرٸسٸنەن كەيٸن دالا ەيەلدەرٸنٸڭ قوعامدىق رٶلٸ ٶزگەرگەن دەگەن پٸكٸرٸن دە بٸلدٸردٸ. سونداي-اق قازاقتىڭ كەيبٸر سالت-دەستٷرلەرٸنەن كٶنە دٷنيەتانىمنىڭ بەلگٸلەرٸن كٶرۋگە بولادى دەپ ەسەپتەيدٸ. ول قىز قۋۋ, بوسانعاننان كەيٸنگٸ قىرىق كٷنگە قاتىستى عۇرىپتار مەن وتپەن الاستاۋدى مىسال رەتٸندە كەلتٸردٸ.
پسيحولوگتىڭ بۇل پٸكٸرٸ جەلٸ قولدانۋشىلارىن ەكٸگە بٶلدٸ.
بٸرقاتار وقىرمان ونىڭ كٶزقاراسىن قولداپ, تەڭٸرشٸلدٸك ٶزدەرٸنە جاقىن ەكەنٸن جازدى. ال باسقا قولدانۋشىلار يسلام تۋرالى پٸكٸرلەرٸمەن كەلٸسپەي, دٸن تاريحىندا قوعامدىق جەنە عىلىمي ٶمٸرگە بەلسەندٸ ارالاسقان ەيەلدەر بولعانىن العا تارتتى.
