يسلام ابديراحمانوۆ قابۋلۇلى 1999 جىلى, تامىزدىڭ 15-ٸ كٷنٸ ماڭعىستاۋ وبلىسى, قاراقييا اۋدانى, قۇرىق كەنتٸندە دٷنيەگە كەلگەن. بٸرنەشە وبلىستىق, رەسپۋبليكالىق مٷشەيرالاردىڭ جەڭٸمپازى. نۇر-سۇلتان قالاسىندا ٶتكٸزٸلگەن «جاستار جالىنى» جىر بايقاۋىنىڭ گران-پري يەگەرٸ.
«سىرالعى» اتتى جىر جيناعىنىڭ اۆتورى. قازٸرگٸ تاڭدا نۇر-سۇلتان قالاسىنداعى ەۋرازييا گۋمانيتارلىق ينستيتۋتى فيلولوگييا فاكۋلتەتٸنٸڭ «قازاق تٸلٸ جەنە ەدەبيەتٸ» بٶلٸمٸندە بٸلٸم الۋدا.
"ۇلت پورتالى" جاس اقىننىڭ بٸر توپ ٶلەڭٸن ەرەكشە ىقىلاسپەن وقىرمان نازارىنا ۇسىنىپ وتىر. ەندەشە, مارحابات! وقي وتىرىڭىز!
5:40
(Nur-Sultan. بالكون. سەت. قاراشا)
بەيكٷنە پەندە بوز الا تاڭنان مىسقال كٷنە تابۋعا جانتالاساتىنى نەلٸكتەن? تٷپساناداعى تەڭٸرٸن جوعالتىپ العان جەزٶكشەدەي ٶمٸردٸڭ «الدامشى يلليۋزيياسىنا» اربالعان قۇلقىن سەرٸدەگٸ قاربالاس - جەر بەتٸن الىپ جىندىحاناداي ەلەستەتەدٸ...
قۇندىلىقتارىمىزدىڭ ٸشٸندەگٸ الا شارباق قيراپ,
ٸرگەسٸندەگٸ تاڭعاجايىپ ديتسەنترا تاپتالدى.
قييالىمىزدا قالقىعان بولمىستى
ۇمىتتىق جوقتاۋدى.
اۋىزدىق كٶرمەگەن الباتى بۇلقىنىسىمىزدىڭ,
ۇجدان الدىنداعى دەۋٸرلٸك سٸلكٸنٸسٸمٸزدٸڭ,
تٷنەكتٸ تاستاي قاشقان ۇمتىلىسىمىزدىڭ,
ساعىمعا ساۋىلدى بەرٸ.
اۋاسىز بوس كەڭٸستٸكتٸ كەزٸپ,
رەسمي تٷزٸلۋ فورمۋلاسىن ٸزدەيمٸن ٸزگٸ سەزٸمدەرٸمنٸڭ.
قاباعى ٸسٸڭكٸ شامداردىڭ استىندا,
جٷرەگٸ لوبلىعان اسفالتتىڭ ٷستٸندە,
القىنا دەمٸككەن اينانىڭ الدىندا,
كٶزٸمنەن....
بەيكٷنە كٶزٸڭنەن بەزٸندٸم!
جەسٸر ٷمٸتٸمدٸ ارقالاپ,
كيەلٸ كٸتاپتاي كٷرسٸنٸپ,
قاۋىمدى قارعىستان قالقالاپ,
قاراڭعىلىق قۇشاعىندا تورىعىپ,
تاۋلارعا ارقا سٷيەدٸم.
ەرٸكسٸز تۋۋ مەن ٶلۋدٸڭ اراسىنداعى
ازاتتىعىما سٷيسٸنٸپ,
مەپەلەپ,
قاستەرلەپ,
جاس كەرنەپ - قارايمىن, دەرمەنسٸز.
ٶنەر وجدانى.
(artistic consciense)
سۋىق ساراي. ەكران.
ەلەم-جەلەم جارناما.
سىنىق قانات - تەاتر.
ۋا, رويال سارناما!
تيتىقتاعان وركەستر -
باستالدى ما, دراما?
بەيشارالار توبىرى,
ساحناعا شىعادى, ە?
كارتينالار تىم كٷڭگٸرت,
قۇس شوقاقتاپ سەكٸرگەن
اكتريسا - اجارسىز.
كەنەۋٸ ەبدەن كەتٸلگەن,
جالىقتىرعان ستسەناريي,
رەجيسسەر - كەم تالانت,
مەكٸرەنٸپ كەكٸرگەن.
پريمادوننا - تەلپٸشتەۋ,
رٶلٸن ناشار سومدادى,
قالت-قۇلت ەتكەن ەرتٸستەر,
تٷككە العىسىز بٸردەڭە,
قوياتىنى و نەسٸ?
جەتپەيدٸ مە ٶرەسٸ?
(بولمىسىمدى قورلادى)
گريممدەرٸ عاجايىپ,
قاتىرعان-دى و جاعىن.
تاناۋىما تىعىلدى,
كٷلٸمسٸ يٸسٸ لوجانىڭ.
قويىلىمعا قۇسقىم كەپ,
ەرەڭ شىداپ وتىرمىن.
كٶزدەرٸممەن كەرەڭمٸن.
قۇلاعىممەن سوقىرمىن.
مەرەسٸنە جاقىنداپ,
قالدى مٸنە, دراما.
كٶرەرمەندەر كٶڭٸلسٸز,
قول سوعۋعا تۇرادى,ە?
Pan-determenism
قاراكٶلەڭكە مەزگٸلدە…
ٷيدٸ ٸرگەلەي ينەمەن تەپشٸپ شىققان
سۇرعىلت جولاق جاتىر;
شاتىردان سورعالاعان شىق تامشىلارى -
بەينە بٸر جوقتان ىرشىپ شىققان سەۋلەدەي
نەمەسە فيزيكالىق سەكٸرٸستەردٸڭ نەتيجەسٸ.
بۋرجۋازييالىق ۇستانىمداعى قالا تىنىسى;
تەجەۋٸشتەر سىرىلى مەن اۆتوموبيلدەر دىبىسى –
قۇلاعىن سارسىتقان تامشى - سۋ اعار بويىمەن,
ٶتە باياۋ سىرعىدى...
دٸمكەس جٷرەگٸن – قوڭىلتاقسۋ سەزٸمٸ كەرنەپ,
قانشا ايازدى اڭساسىن,
قانشا بۋعا اينالسىن,
قايتالاماعى بٸر تاعدىر ەكەنٸنە كٶندٸكتٸ.
بويكٷيەزدٸكتەن ارىلىپ, شاپشاڭ سىرعي جٶنەلدٸ,
جان ازابى سٸڭٸپ قالعان قابىرعانى جورعالاي,
قاپاس سىرتىنداعى ەلەمگە تٶنگٸسٸ كەلٸپ,
قاپاس سىرتىنداعى ەلەمدٸ كٶرگٸسٸ كەلٸپ…
Wein,weiber and Gesand
(شاراپ ەيەل جەنە جىر)
سىڭعىر كٷلكٸڭ سەۋەگەيدٸڭ تٷسٸندەگٸ ەز-ەزٸل!
سەۋلەسٸمەن جانىمنىڭ قالتارىسىن ٷڭگيدٸ,
بۇلتسىز, جاسىل-كٶگٸلدٸر اسپانعا وقىپ ازا-جىر,
شاشسىن نۇرىن - شاتتىققا شىرپى تيگٸز, شىراعىم.
ەسكٸ شەگٸن اۋىستىر, گيتاراڭنىڭ قۇلاعىن -
كٷيٸن كەلتٸر باسقا عىپ, قارسى كەلسٸن, كٸم, مەيلٸ...
مەرتەبەلٸ مۋزىكا جٷرەگٸمدٸ تەربەيدٸ,
ماحابب-ا-ات پا? ماحاببات - بەتۋەسٸز ساندىراق,
سۇلۋلىققا سەرت بەرٸپ, سٶگٸتٸلگٸم كەلمەيدٸ,
بۇتاقتارمەن تۇماندى سەيٸلتۋٸم زاڭدى ما?
وڭ جاعاسى ٶزەننٸڭ كٶزدٸڭ جاسىن بٸر سىعىپ,
سول جاعاسى ٶزەننٸڭ تاقسٸرەتٸنە تۇنشىعىپ,
جەل اقتارعان قۇمداقتا التىن شاعىل دەمٸگٸپ,
جاعاسىندا ويلاردىڭ شەر-كٶبٸگٸم تٶگٸلٸپ,
ىشقىنىسىم تٶلدەيدٸ, ىشقىنىسىم تٶلدەيدٸ...
وتقا تيسە ەريتٸن بالاۋىز شام تەرٸزدٸ,
ساعان تارتۋ ەتەر ەم - ٸستەرٸمدٸ كٷللٸ ٸزگٸ,
ساعان وقىپ بەرەر ەم - سانسىز ساگا, بەدٸزدٸ,
ساعان سىيعا تارتار ەم - جۇپارى ەسەم گٷلدەردٸ,
بۇلاقتاردىڭ سىلدىرىن - قييار ەدٸم, جولىڭدا.
قۇراقتاردىڭ سىبدىرىن - قييار ەدٸم, نەزٸ-ٸ-گٸم.
تارتىپ الىپ تاعدىردىڭ ۋىسىنان باقىتتى,
سٷيۋ مە ەدٸ - ازابىم, قييۋ ما ەدٸ جازىعىم?
مەنگە ۇمتىلۋ.
(The will to meaning)
پروۆينتسييانىڭ سىقپىتى جٷدەۋ تارتقان قالىڭ قۋىسىندا -
قوتىر يت كەشتٸم, تاعدىر كٶرگەن.
كٶڭٸلسٸزدەۋ كٶزدەرٸندەگٸ سۇر كەڭٸستٸكتٸڭ كٶلەڭكەسٸنە
"جۇماق قۇسىن" قوندىرىپ, قارايدى ماعان.
سوڭعى دەمٸ ٷزٸلگەنشە "راقىمشىلىق يلليۋزيياسىنا" ٷمٸت ارتادى, بەيباق.
بەيباق, بەيباق, بەيباق!
قابارجىعان سالا گٶرمە قاباعىڭنىڭ قيىعىن.
اڭىلجىعان جان-دٷنيەڭە تٶگە المايمىن مەيٸرٸم.
ماعان تٷبٸ: "كٶك يت جەڭسٸن, كٶپ يت جەڭسٸن بەرٸبٸر"
جۇمسارمايدى جۇمىرىم, سالبىراماس يٸنٸم!
قۇلاعىڭنىڭ تٷبٸنەن ساڭقىلداپ شىققان بەيمازا داۋىسقا قۇلاق تٷر:
قورلانۋ ٷشٸن تۋعانسىڭ,
تۋعانسىڭ قورلانۋ ٷشٸن.
كەشٸرشٸ, سونداعىم ٷشٸن.
كەشٸرشٸ, تورداعى قۇسىم!..
اڭساۋ
كٶكتەم يسٸ اڭقىعان گٷل شوعىنداي,
كەڭ دٷنيە كٶركەم ەدٸ, بالا كەزدە,
كٶڭٸل قالىپ كٷمەننٸڭ قۇرساۋىندا,
كٷدٸك جەڭٸپ تەلمٸردٸم قارا كٶزگە.
قارا كٶز. قارا نٷكتە. قارا كٶرٸم.
تۇتقىنى جەردەگٸ ٶمٸر - اباقتىنىڭ,
تەمٸر توردىڭ ەسٸگٸن قاعادى ٶلٸم -
دەمٸڭنەن ٷزٸلگەندە ساعات تٸلٸ.
جان قامالعان - تەنٸمنٸڭ تٷرمەسٸنە,
مۇڭ قامالعان - كٶزٸمنٸڭ مٷردەسٸنە,
جىن با قونعان قانىمنىڭ جٷلگەسٸنە?
نەپسٸكەش وي اينالدى كٷندەسٸمە.
اياتسىزعا اۋا ما حاق نازارى?
ەلەگٸزٸپ ەسسٸزدٸڭ كەشتٸم كەيپٸن.
بۇ بازار - ازعان جۇرتتىڭ اق بازارى,
"اردىڭ اتى - ادالدىق" دەپ بٸلمەيتٸن.
قارا كٶزگە ٷڭٸلدٸم جورتا كٷلٸپ,
سەزٸمٸمدٸ كەتتٸ مە ول قارعىسقا وراپ?
مەزگٸل قۇرعىر قالدى ما قاڭتارىلىپ?
جازمىش پا جەمتٸر-جەمتٸر سارعىش پاراق?
