اتىراۋ وبلىسىنا ساپارمەن كەلگەن ٸشكٸ ٸستەر مينيسترٸ ەرلان تۇرعىمباەۆ ٶڭٸردٸڭ تەرتٸپ ساقشىلارىمەن كەڭەس ٶتكٸزدٸ, دەپ حابارلايدى "ۇلت اقپارات".
ەرلان تۇرعىمباەۆ اتىراۋدا ازاماتتاردى تەۋلٸك بويى قابىلدايتىن 7 جاڭا مودۋلدٸك پوليتسييا بەكەتٸنٸڭ جۇمىسىن تەكسەردٸ.
«پرەزيدەنت قاسىم-جومارت توقاەۆتىڭ تاپسىرماسىنا سەيكەس, بٸز پوليتسييانىڭ سەرۆيستٸك مودەلٸنە كٶشۋدٸ جٷزەگە اسىرۋدامىز. ونىڭ نەگٸزگٸ قاعيداتتارىنىڭ بٸرٸ - «حالىققا جاقىن پوليتسييا«. قازٸرگٸ زامانعى مودۋلدٸك بەكەتتەر تيٸمدٸلٸگٸن دەلەلدەدٸ. ٶيتكەنٸ, مۇنداي بەكەتتەر ورناتىلعان اۋدانداردا قۇقىقبۇزۋشىلىقتار سانى ايتارلىقتاي تٶمەندەدٸ. جالپى, قۇقىق قورعاۋ ورگاندارى تۇرعىندارمەن تىعىز جۇمىس ٸستەيتٸن جەردە قىلمىسقا قارسى كٷرەستٸڭ وڭ نەتيجەسٸن كٶرٸپ وتىرمىز. ازاماتتار ٸشكٸ ٸستەر ورگاندارى جٷيەسٸندە وڭ ٶزگەرٸستەردٸ كٶرٸپ, ٶز باستامالارىن دا ۇسىنىپ, تەرتٸپ ساقشىلارىمەن ىنتىماقتاستىقتا بولۋعا مٷددەلٸلٸك تانىتىپ وتىر. ٶيتكەنٸ, ازاماتتار ٷشٸن قوعامداعى قاۋٸپسٸزدٸك پەن تۇراقتىلىق قاشان دا زور ماڭىزعا يە» - دەدٸ مينيستر ە.تۇرعىمباەۆ.
الداعى ۋاقىتتا اتىراۋ وبلىسىندا تاعى 17 زاماناۋي ستاتسيونارلىق بەكەت ورناتۋ جوسپارلانۋدا. ولار ەڭ كريمينوگەندٸك اۋدانداردا جەنە ادامدار كٶپ جينالاتىن ورىنداردا اشىلادى.
سونداي-اق, ٸٸم باسشىسى جەرگٸلٸكتٸ پوليتسييا قىزمەتٸنٸڭ رەفورماسىنا نازار اۋداردى.
«بٸزدٸڭ باستى مٸندەتٸمٸز – ازاماتتاردىڭ قاۋٸپسٸزدٸگٸ. سوندىقتان, ۋچاسكەلٸك ينسپەكتوردىڭ قىزمەت كٶرسەتەتٸن ەكٸمشٸلٸك اۋماقتا تۇراقتى بولۋىنا جاعداي جاسايمىز» – دەدٸ ول.
كەڭەستە اتىراۋ وبلىستىق پوليتسييا دەپارتامەنتٸنٸڭ باستىعى حامزا ٷمبەتقاليەۆ ٶڭٸردە جەرگٸلٸكتٸ ەكٸمدٸكتٸڭ قولداۋىمەن 34 جاڭا ۋچاسكەلٸك پوليتسييا بەكەتٸنٸڭ قۇرىلىسى اياقتالعانىن باياندادى.
«ونىڭ 22-سٸ ۋچاسكەلٸك پوليتسييا ينسپەكتورلارىنىڭ جۇمىسىن ىڭعايلى ەرٸ جەدەل ەتۋ ٷشٸن تۇرعىن ٷيلەرمەن بٸرٸكتٸرٸلدٸ» - دەدٸ ول.
ٸٸم باسشىسى پوليتسييا دەپارتامەنتٸنٸڭ بٸرقاتار نىسانىن ارالاپ, قىزمەت بارىسىمەن تانىستى. اتاپ ايتقاندا, اتىراۋ قالاسىنىڭ جەدەل باسقارۋ ورتالىعىنىڭ جۇمىسىن تەكسەردٸ. جبو ماماندارى 3607 بەينەباقىلاۋ كامەراسىن باقىلايدى. ونىڭ 859-ى قوعامدىق قاۋٸپسٸزدٸكتٸ قامتاماسىز ەتۋگە جۇمىلدىرىلعان. ٶتكەن جىلى وبلىستا بەينەمونيتورينگ جٷيەسٸنٸڭ كٶمەگٸمەن 286 قىلمىس اشىلعان.
مينيستر ٸشكٸ ٸستەر ورگاندارىنىڭ بٶلٸمدەرٸندە جاپپاي بەينەباقىلاۋ ورناتۋدى جەدەلدەتۋدٸ تاپسىردى. سوعان وراي اتىراۋ وبلىسىنىڭ پوليتسييا نىساندارىندا 265 بەينەكامەرا ورناتىلاتىن بولادى.
