26 قاراشا كٷنٸ قر ٸشكٸ ٸستەر مينيسترلٸگٸ, اۋماقتىق ورگاندار مەن ٸشكٸ ٸستەر بٶلٸمشەلەرٸ جەنە قىلمىستىق-اتقارۋ جٷيەسٸ دەپارتامەنتتەرٸ العاش رەت ZOOM پلاتفورماسى ارقىلى ازاماتتاردى بٸرىڭعاي قابىلداۋ كٷنٸن ٶتكٸزەدٸ, دەپ حابارلايدى قازاقپارات.
«قر ٸشكٸ ٸستەر مينيسترٸ ەرلان تۇرعىمباەۆتىڭ تاپسىرماسىمەن ٸٸم, اۋماقتىق ورگاندار مەن ٸشكٸ ٸستەر بٶلٸمشەلەرٸ جەنە قىلمىستىق-اتقارۋ جٷيەسٸ دەپارتامەنتتەرٸ 26 قاراشادا العاش رەت ZOOM ينتەرنەت پلاتفورماسى ارقىلى ازاماتتاردى بٸرىڭعاي قابىلداۋ كٷنٸن ٶتكٸزەدٸ. شارانىڭ نەگٸزگٸ ماقساتى – حالىقپەن كەرٸ بايلانىستى قامتاماسىز ەتۋ, ولاردىڭ پروبلەمالىق مەسەلەلەرٸن شەشۋ, سونداي-اق «حالىق ٷنٸنە قۇلاق اساتىن مەملەكەت» تۇجىرىمداماسىن ٸسكە اسىرۋعا باعىتتالعان سەنٸم دەڭگەيٸن ارتتىرۋ», - دەدٸ قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز مينيسترلٸكتە ٶتكەن ونلاين بريفينگتە.
ZOOM پلاتفورماسىندا مينيستر مەن ونىڭ ورىنباسارلارى ٷشٸن اۋماقتىق دەپارتامەنتتەر باسشىلىعى قوسىلاتىن جەكە بايلانىس ارنالارى ٸسكە قوسىلادى. تٸركەلگەن ازاماتتار مەن شارانىڭ باسقا دا قاتىسۋشىلارىنا كونفەرەنتسييا يدەنتيفيكاتورلارى, قوسىلۋ ەدٸستەرٸ مەن قۇپيياسٶزدەر الدىن الا جٸبەرٸلەدٸ.
قابىلداۋ ۋاقىتى:
- ٸٸم باسشىلىعى – ساعات 10.00-دەن 13.00-گە دەيٸن.
- اۋماقتىق ٸشكٸ ٸستەر ورگاندارى مەن بٶلٸمشەلەرٸنٸڭ جەنە قىلمىستىق-اتقارۋ جٷيەسٸنٸڭ باسشىلارى – ساعات 15.00-دەن 18.00-گە دەيٸن.
مينيستردٸڭ, پوليتسييا جەنە قىلمىستىق-اتقارۋ جٷيەسٸ دەپارتامەنتتەرٸ باسشىلارىنىڭ قابىلداۋىنا جازىلۋ ٷشٸن 23-25 قاراشا ارالىعىندا ٸٸم پورتالىنداعى, مينيسترلٸكتٸڭ ەلەۋمەتتٸك جەلٸ پاراقشالارىنداعى جەنە Polisia.kz سايتىنداعى تەلەفوندارعا, ەلەكتروندىق پوشتا مەن WhatsApp-نٶمٸرلەرٸنە حابارلاسۋ قاجەت.
