ٸشكٸ ٸستەر مينيسترلٸگٸ اليمەنت تٶلەۋدەن قاشقان ەكەلەردٸ بەس تەۋلٸككە قاماۋعا الۋدى ۇسىنىپ وتىر, دەپ حابارلايدى Sputnik قازاقستان.
بٷگٸن مەجٸلٸستەگٸ ٷكٸمەت ساعاتىندا جەكە سوت ورىنداۋشىلار ينستيتۋتىن ودان ەرٸ دامىتۋ مەسەلەلەرٸ تالقىلاندى. سۇراق-جاۋاپ بارىسىندا دەپۋتات گٷلنەر بيجانوۆا اليمەنت بويىنشا بەرەشەگٸ بار ەكەلەردٸ ٸزدەۋ مەسەلەسٸن كٶتەردٸ.
"بٷگٸندە پوليتسييا بٶلٸمدەرٸ اليمەنت تٶلەمەيتٸندەردٸ ٶندٸرٸپ الۋشىنىڭ تۇرعىلىقتى مەكەنجايى بويىنشا عانا ٸزدەيدٸ. 2018 جىلى 1864 بورىشكەر ەكەگە ٸزدەۋ سالىنىپ, ونىڭ تەك 78-ٸ انىقتالعان, ياعني 9 پروتسەنتٸ. قالعاندارى بويىنشا ٸزدەۋ جۇمىستارى توقتاتىلدى. وسىعان بايلانىستى سۇراق: بورىشكەرلەردٸ ٸزدەستٸرۋ تەتٸگٸ نەگە ٶزگەرتٸلمەيدٸ?", - دەپ سۇرادى بيجانوۆا.
ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆتىڭ ايتۋىنشا, ٸزدەۋ قايدا جارييالانعانىنا قاراماستان, پوليتسييا بٶلٸمدەرٸ بورىشكەرلەردٸ بٷكٸل ەلدٸڭ اۋماعىنان ٸزدەيدٸ.
بورىشكەر ازاماتتىق-قۇقىقتىق قاتىناستار ٸسٸ بويىنشا جاۋاپتى بولعاندىقتان, ولاردى ٸزدەۋ قىلمىسكەرلەردٸ ٸزدەستٸرۋ جولىنان ٶزگەشە. ياعني, پوليتسەيلەر ارنايى جەدەل شارالارىن ٶتكٸزٸپ, بورىشكەرلەردٸ ۇستاي المايدى. تەك سوت ورىنداۋشىعا كەلۋگە مٸندەتتەيدٸ.
وسىعان بايلانىستى ٸشكٸ ٸستەر مينيسترلٸگٸ بالالارىنا اليمەنت تٶلەۋدەن جالتارعان ەكەلەردٸ بەس تەۋلٸككە قاماۋعا الۋدى ۇسىنىپ وتىر.
"ەكٸمشٸلٸك كودەكسكە جاۋاپكەرشٸلٸك پەن ازاماتتاردى ۇستاۋ مٷمكٸندٸگٸن ەنگٸزۋ قاجەت. سوت شەشٸمٸن ورىنداماعانى ٷشٸن جاۋاپكەرشٸلٸكتٸ, مەسەلەن, بەس تەۋلٸككە ەنگٸزۋگە بولادى. وسى ۋاقىت ٸشٸندە سوت ورىنداۋشىلارى بورىشكەرمەن قاجەتتٸ شەكتەۋ شارالارىن جٷرگٸزەر ەدٸ. ول ادام دا, بەلكٸم, ٸس-ەرەكەتٸنٸڭ زاڭعا قايشى ەكەنٸن تٷسٸنٸپ, بٸر شەشٸمگە كەلەر", - دەدٸ قوجاەۆ.
