ەلوردا ەكٸمٸ ەسەت يسەكەشەۆ استانالىقتار مەن قالا قوناقتارىنا اۋا رايىنىڭ بۇزىلۋىنا بايلانىستى ٷيدەن شىقپاۋعا كەڭەس بەردٸ. شاھار باسشىسى بۇل تۋرالى ٶزٸنٸڭ فەيسبۋك پاراقشاسىندا جازدى, دەپ حابارلايدى "ۇلت اقپارات".
«قۇرمەتتٸ استانالىقتار مەن قالا قوناقتارى! اۋا رايىنىڭ قولايسىزدىعىنا بايلانىستى تٶتەنشە جاعدايلاردىڭ الدىن-الۋ ماقساتىندا كٶشەدە بارىنشا اباي بولۋدى سۇرايمىز. اسا قاجەتتٸلٸك بولماسا, مٷمكٸندٸگٸنشە ٷيدەن شىقپاۋعا كەڭەس بەرەمٸز. بۇرقاسىن جەل بولعان جاعدايدا دالادا قالعان بولساڭىز, قاۋٸپسٸزدٸك شارالارىن ساقتاۋلارىڭىز قاجەت», - دەپ جازادى ەسەت يسەكەشەۆ.
قالا ەكٸمٸ ٶزٸنٸڭ جازباسىندا قۇرىلىس الاڭدارىنان اۋلاق جٷرٸپ, جارناما ٸلٸنگەن تاقتالاردان ساقتانىپ, ەلەكتر سىمدارى مەن اعاشتاردان اينالىپ ٶتۋ كەرەكتٸگٸن اتاپ ٶتتٸ.
«تٶتەنشە جاعدايلار دەپارتامەنتٸ كەز كەلگەن جاعدايدا 112 نٶمٸرٸنە حابارلاسۋدى سۇرايدى. دەل قازٸر قالاداعى بارلىق كوممۋنالدىق قىزمەتتەر كٷشەيتٸلگەن تەرتٸپتە جۇمىس ٸستەۋدە», - دەلٸنگەن قالا ەكٸمٸنٸڭ جازباسىندا.
ەسكە سالا كەتسەك, كەشە قازگيدرومەتكە سٸلتەمە جاساعان قالا ەكٸمٸنٸڭ سايتىندا حابارلانعانىنداي, استانادا قار بۇرقاسىنى 3 كٷنگە سوزىلادى. 11 قاڭتارعا ارنالعان بولجام بويىنشا كٶشپەلٸ بۇلت جٷرٸپ, قار جاۋادى, بوران سوعىپ, كٶكتايعاق بولادى.
سينوپتيكتەردٸڭ بولجاۋىنا قاراعاندا, 12 قاڭتار كٷنٸ بۇرقاسىننىڭ بەتٸ قايتا باستايدى. باتىستان, سولتٷستٸك-باتىستان سەكۋندىنا 9-14 مەترلٸك جەل سوعىپ, تٷندە اۋا تەمپەراتۋراسى -11... -13 گرادۋسقا دەيٸن تٶمەندەيدٸ.
