قر پرەزيدەنتٸ جانىنداعى مەملەكەتتٸك باسقارۋ اكادەميياسىنىڭ باسپاسٶز حاتشىسى اقەركە بەرلٸباي پرەزيدەنتتٸك جاستار كادر رەزەرۆٸ تۋرالى پٸكٸر بٸلدٸردٸ, دەپ حابارلايدى قازاقپارات.
«مەن - وسى جوبانى ۇيىمداستىرۋشىلاردىڭ بٸرٸمٸن. بۇل جوبانىڭ كونتسەپتسيياسىن قۇرۋدان باستاپ بٷگٸنگە دەيٸن قانداي پروتسەستەر بولعانىن باسىنان اياعىنا دەيٸن كٶردٸم. شىنىمەن دە, بۇل - بٸرەگەي جوبا. سونداي-اق ٸرٸكتەۋ كەزەڭدەرٸ اشىق ەرٸ ەدٸل ٶتتٸ. بٸزدٸڭ ٷمٸتٸمٸز اقتالدى, سەبەبٸ بۇل جوباعا قازاقستاندىق قانا ەمەس, شەتەلدٸك جاستاردىڭ دا قىزىعۋشىلىعى جوعارى بولدى», - دەيدٸ اقەركە بەرلٸباي.
ونىڭ ايتۋىنشا, بايقاۋ جارييالانعان كەزدە 13 مىڭنان استام ادام ٶتٸنٸم بەرگەن.
«7312 ادام تولىق تٸركەلٸپ, بٸرٸنشٸ كەزەڭگە ٶتتٸ. مٸنە, وسى ادامدار جوباعا نە ماقساتپەن قاتىسىپ جاتقانىن, جوبادان نە كٷتەتٸنٸن انىق بٸلدٸ. ال سوڭعى كەزەڭنەن سٷرٸنبەي ٶتكەن 300 قاتىسۋشىنىڭ بولاشاعى جارقىن, سەبەبٸ ولار - تالانتتى, ٶتە اقىلدى, بٸلٸكتٸ ماماندار. مەن ولاردىڭ ەرقايسىسىن جەكە تانيمىن, سەبەبٸ ەرتٷرلٸ كەزەڭدەردە ولارمەن سٶيلەسٸپ, سۇحبات الدىم», - دەيدٸ باسپاسٶز حاتشىسى.
سونداي-اق, ول جوباعا مەملەكەتتٸك قىزمەتشٸلەر عانا قاتىسپاعانىن ايتتى.
«ٸرٸكتەۋدەن ٶتكەن 300 ادامنىڭ 96-سى عانا - مەملەكەتتٸك قىزمەتشٸلەر. كٶبٸ جەكە سەكتوردان قاتىسۋشىلار. پرەزيدەنتٸمٸز قاسىم-جومارت توقاەۆ مەملەكەتتٸك قىزمەتتٸڭ اشىق بولعانىن قالاپ, قالىپتاسىپ قالعان ستەرەوتيپتەردٸ بۇزعىسى كەلسە, ٸرٸكتەلگەن 300 ادام وسى تالاپتارعا تولىق ساي كەلەدٸ. ولار مەملەكەتتٸك قىزمەتتەگٸ ستەرەوتيپتەردٸ جويىپ, ٸشٸنەن مەملەكەتتٸك قىزمەت سالاسىن ٶزگەرتەتٸن جاڭا كٶشباسشىلار شىعادى», - دەيدٸ ول.
