يران بيلٸگٸ كوروناۆيرۋستىڭ تاراۋىنا بايلانىستى 70 مىڭعا جۋىق تۇتقىندى قاماۋدان بوساتتى. بۇل تۋرالى ەلدٸڭ سوت بيلٸگٸنٸڭ باسشىسى يبراگيم رايسي ايتتى. سوڭعى بٸر تەۋلٸكتە يراندا كوروناۆيرۋس سالدارىنان تاعى 43 ادامنىڭ قايتىس بولعانى حابارلاندى.
- قاۋٸپسٸزدٸككە قاتەر تٶندٸرمەيتٸن جاعدايدا... قاماۋدا وتىرعانداردى بوساتۋ جالعاسادى, - دەدٸ رايسي 9 ناۋرىزدا. قاماۋدان بوساتىلعاندار تٷرمەگە قاشان ورالادى ەلدە بيلٸك ولاردى بٸرجولا بوساتتى ما – شەنەۋنٸك ول تۋرالى اشىپ ايتپادى.
يران دەنساۋلىق ساقتاۋ مينيسترلٸگٸنٸڭ ٶكٸلٸ كيانۋش دجاحانپۋر ەلدە ۆيرۋس جۇقتىرعاندار سانى 595 ادامعا كٶبەيٸپ, قازٸرگٸ كەزدە دەرتكە شالدىققان 7161 ادام بارىن حابارلادى. ول جارييالاعان رەسمي مەلٸمەتتە كوروناۆيرۋستان ەلدە 237 ادام قايتىس بولعانى ايتىلعان. 9 ناۋرىزدا يراننىڭ جوعارعى باسشىسى اياتوللا ەلي حامەنەيدٸڭ كەڭسەسٸ كوروناۆيرۋسقا بايلانىستى بيىلعى ناۋرىز مەيرامىندا حامەنەيدٸڭ جۇرت الدىنا شىعىپ سٶيلەمەيتٸنٸن حابارلادى.
"جىل سايىن قاسيەتتٸ يمام رەزا كەسەنەسٸندە ٶتەتٸن جوعارعى باسشىنىڭ سٶز سٶيلەۋ رەسٸمٸ... بيىل ٶتپەيدٸ" دەلٸنگەن حامەنەي كەڭسەسٸ تاراتقان حابارلامادا. بۇعان قوسا وسى مەشٸت ورنالاسقان مەشحەد قالاسىنا دا اياتوللانىڭ بارمايتىنى بەلگٸلٸ بولدى.
يران بيلٸگٸ ەلدەگٸ مەكتەپتەر مەن ۋنيۆەرسيتەتتەردٸ جاۋىپ, مەدەني شارالار مەن سپورت جارىستارى ٶتپەيتٸنٸن حابارلاعان. كوروناۆيرۋستىڭ تارالۋىن تەجەۋ ماقساتىندا ەلدە جۇمىس ۋاقىتى دا قىسقارتىلعان. ساراپشىلار يران بيلٸگٸ كوروناۆيرۋس جۇقتىرعاندار سانىن ازايتىپ كٶرسەتٸپ وتىرۋى مٷمكٸن دەپ سەزٸكتەنەدٸ.
