بٷگٸن ەلورداداعى «بەيتەرەك» مونۋمەنتٸندە يراكتان ورالعان 14 بالانىڭ 10-ى تۋىستارىمەن قاۋىشتى, دەپ حابارلايدى قازاقپارات.
بالالاردى تۋىستارىنا تابىستاۋ شاراسىنا قر سىرتقى ٸستەر مينيسترٸنٸڭ ورىنباسارى ەرجان اشىقباەۆ, نۇر-سۇلتان قالاسى ەكٸمٸنٸڭ ورىنباسارى باقتييار مەكەن, قر بٸلٸم جەنە عىلىم مينيسترٸنٸڭ بالالار قۇقىعى جٶنٸندەگٸ كەڭەسشٸسٸ رايسا شەر قاتىستى.
«ەلباسىمىزعا, قازاقستان پرەزيدەنتٸنە, بالالارىمىزدىڭ وتانىنا ورالۋى ٷشٸن تىڭباي ەڭبەك ەتكەن بارلىق جانعا شىنايى ريزاشىلىعىمدى بٸلدٸرەمٸن. بٷگٸن مٸنە, ٷش نەمەرەممەن قاۋىشىپ وتىرمىن. ولاردى ەشقايدا جٸبەرمەيمٸن, قاسىمدا بولادى. ەشكٸمگە بەرمەيمٸن, ٶزٸم تەربيەلەيمٸن. قۋانىشىمدا شەك جوق. ٷيدە اتاسى, اعا-ەپكەلەرٸ اسىعا كٷتٸپ وتىر. ەكٸ ٷلكەن نەمەرەم قازاقستاندا دٷنيەگە كەلگەن, مەنٸ تانيدى. ال كٸشكەنتاي قىز نەمەرەم انا جاقتا تۋعان», - دەدٸ ورال قالاسىنان كەلگەن ىقىلاس ەسٸمدٸ بالانىڭ ەجەسٸ.
شارا اياسىندا باق ٶكٸلدەرٸنە سۇحبات بەرگەن قر سىرتقى ٸستەر مينيسترٸنٸڭ ورىنباسارى ەرجان اشىقباەۆ بٷگٸنگٸ پروتسەدۋرا «رۋسافا» دەگەن اتاۋمەن ارنايى ٶتٸزٸلگەن وپەراتسييانىڭ لوگيكالىق اياقتالۋى سانالاتىندىعىن ايتتى.
«بۇل بالالارعا ەل بولىپ قامقورشى, تٸلەكشٸ بولدىق. بٸراق, ناعىز قامقورلىق كٶرەتٸن جەرلەرٸ – وتباسى. سوندىقتان تۋىستارىنا تابىستاپ وتىرمىز. مەملەكەت بۇل بالالارعا بارىنشا كٶمەك كٶرسەتۋگە تىرىسادى», - دەدٸ ول.
ال رايسا شەردٸڭ ايتۋىنشا, بٷگٸن يراكتان ورالعان 14 بالانىڭ 10-ى تۋىستارىنىڭ قولدارىنا تابىستالدى. قالعان 4 بالا نۇر-سۇلتان قالاسىندا قالادى جەنە وتباسىلىق ٷلگٸدەگٸ بالالار ٷيٸنە ورنالاستىرىلادى.
«قازٸر وسى مەسەلەنٸ قاراستىرىپ جاتىرمىز. الداعى ۋاقىتتا تۇراتىن ورىندارى ناقتىلانۋ ٷستٸندە. بۇل تٶرت بالا اعايىندى جەنە ولاردىڭ تۋىستارى قاراعاندى وبلىسىندا تۇرادى. ولار بالالاردان باس تارتىپ وتىر. سوندىقتان ولار مەملەكەتتٸڭ قامقورلىعىندا بولادى», - دەدٸ رايسا شەر.
ايتا كەتەيٸك, وسى جىلعى قاراشانىڭ 27-ٸنەن 28-ٸنە قاراعان كٷنٸ يراكتان 14 بالا قازاقستانعا جەتكٸزٸلدٸ. ولار نۇر-سۇلتان قالاسىنداعى قيىن جاعدايعا تاپ بولعان بالالاردى قولداۋ ورتالىعىندا مەديتسينالىق تەكسەرۋدەن ٶتٸپ, ورتاعا بەيٸمدەلگەن بولاتىن.
