يراك ٸشكٸ ٸستەر مينيسترلٸگٸنٸڭ مەلٸمەتٸنە سەنسەك, بەيسەنبٸ كٷنٸ ەل استاناسىندا ەكٸ جانكەشتٸ لاڭكەس جارىلىس جاساپ, سالدارىنان 23-تەن استام ادام مەرت بولعان. كەم دەگەندە 50 ادام جاراقات العان, دەپ حابارلايدى "ۇلت اقپارات" Daily Sabah اگەنتتٸگٸنە سٸلتەمە جاساپ.
ٷش پوليتسەي باعدات ورتالىعىنداعى ساۋدا ورتالىعىندا ەكٸ جارىلىس بولعانىن ايتتى. يراكتىڭ مەملەكەتتٸك تەلەارناسى جارىلىستاردى جانكەشتٸ لاڭكەستەر جاساعانىن حابارلادى.
جاراقات العانداردىڭ كٶپشٸلٸگٸنٸڭ جاعدايى اۋىر. ايتارلىقتاي ماتەريالدىق زالال كەلتٸرٸلگەنٸ حابارلاندى.
قاۋٸپسٸزدٸك كٷشتەرٸ وسى ايماقتى قورشاۋعا الدى, جەدەل جەردەم قىزمەتكەرلەرٸ زارداپ شەككەندەرگە كٶمەك كٶرسەتۋدە.
مينيسترلٸكتٸڭ مەلٸمەتٸنشە, العاشقى جانكەشتٸ لاڭكەس بازارعا باسا كٶكتەپ كٸرٸپ, اينالاسىنا مٷمكٸندٸگٸنشە كٶپ ادام جينالۋى ٷشٸن ٶزٸنٸڭ جاعدايى جامان ەكەنٸن ايتقان.
«سودان كەيٸن ول ٶزٸن جارىپ جٸبەرگەن. كەيٸن ەكٸنشٸ جانكەشتٸ لاڭكەس ٶز بومباسىن ٸسكە قوسقان» دەلٸنگەن مينيسترلٸك حابارلاماسىندا.
