GettyImages.ru
يوردانييا پاتشايىمى رانييا يزرايلدٸڭ بومبالاۋى سالدارىنان گازا سەكتورىنداعى بەيبٸت تۇرعىنداردىڭ ٶلٸمٸن ايىپتاماعان باتىس باسشىلارىنا نارازىلىعىن بٸلدٸردٸ, دەپ حابارلايدى Kazinform اگەنتتٸگٸ CNN-گە سٸلتەمە جاساپ.
CNN تٸلشٸسٸ كريستيان امانپۋرعا بەرگەن ەكسكليۋزيۆتٸ سۇحباتىندا رانييا:
«تاياۋ شىعىس ەلدەرٸ, ونىڭ ٸشٸندە يوردانييانىڭ حالقى ەلەمنٸڭ سوعىسقا قارسى ەرەكەتٸنەن كٶڭٸلٸ قالدى. سوڭعى ەكٸ اپتادا بٸز ەلەمدەگٸ ەكٸجٷزدٸلٸكتٸڭ كۋەسٸ بولدىق.
7 قازاندا بولعان وقيعاعا قاتىستى ەلەم بٸردەن يزرايلدٸ جەنە ونىڭ ٶزٸن-ٶزٸ قورعاۋ قۇقىعىن قولدادى جەنە جاسالعان شابۋىلدى ايىپتادى... بٸراق سوڭعى ەكٸ اپتادا بولعان وقيعالارعا قاتىستى ەلەمنٸڭ جاق اشپاي وتىرعانىن كٶرٸپ وتىرمىز», - دەدٸ.
يزرايل قورعانىس كٷشتەرٸنٸڭ مەلٸمەتٸنشە, ەل 7 قازاندا پالەستينانىڭ جاعالاۋداعى انكلاۆتى باقىلايتىن حاماس توبى جاساعان شابۋىلدارىنان كەيٸن گازا سەكتورىنا «تولىق بلوكادا» جارييالادى, سالدارىنان 1 400-دەن اسا ادام قازا تاۋىپ, 200-دەن استام ادام كەپٸلگە الىندى.
اتالمىش قورشاۋ حالقى تىعىز ورنالاسقان گازا سەكتورىن اياۋسىز ەۋە شابۋىلدارىنىڭ استىندا قالدىرىپ, وقشاۋلانعان ايماقتىڭ بٷكٸل حالقى ٷشٸن ازىق-تٷلٸك پەن سۋدى قوسا العاندا, ٶمٸرلٸك ماڭىزدى كەرەك-جاراقتاردى بۇعاتتادى.
«بٷگٸنگٸ زامان تاريحىندا ادامزاتتىڭ مۇنشا ازاپ شەگۋٸ بٸرٸنشٸ رەت بولىپ تۇر. ال ەلەم اتىستى توقتاتۋعا شاقىرماي وتىر. بۇل ٷنسٸزدٸك باتىس ەلدەرٸن سىبايلاس ەتەدٸ», - دەدٸ پاتشايىم رانييا.
گازاداعى حاماس باقىلاۋىنداعى پالەستينا دەنساۋلىق ساقتاۋ مينيسترلٸگٸنٸڭ سوڭعى مەلٸمەتتەرٸ بويىنشا, يزرايل سوققىلارىنان قازا تاپقاندار سانى 5 000-نان استى, ونىڭ ٸشٸندە 2 000-نان استامى بالالار. بۇۇ-نىڭ كەم دەگەندە 35 قىزمەتكەرٸ قازا تاپتى.
«مەن, پالەستينالىق انالار دا باسقا انالار سيياقتى بالالارىن جاقسى كٶرەتٸنٸن ەلەمنٸڭ ەسٸنە سالعىم كەلەدٸ», - دەدٸ رانييا.
ايتا كەتەيٸك, اراب ەلدەرٸ كٶشباسشىلارى اقش-تىڭ يزرايلدٸ تەجەۋگە نيەت تانىتپاعانىنا نارازىلىق بٸلدٸردٸ. يوردانييا, مىسىر جەنە پالەستينا اۆتونوميياسى ٶتكەن اپتادا اقش پرەزيدەنتٸ دجو بايدەنمەن جوسپارلانعان يوردانييا سامميتٸنەن باس تارتتى.
