ينتەرپول ٷيلەستٸرگەن حالىقارالىق ارنايى وپەراتسييا بارىسىندا ادام ساۋداسىمەن اينالىسقان قىلمىستىق جەلٸلەرگە سوققى بەرٸلٸپ, ەلەمنٸڭ 59 ەلٸندە مىڭنان استام ادام ۇستالدى, دەپ حابارلايدى ult.kz.
«Global Chain» («جاھاندىق نىسانا») كودتىق اتاۋىمەن ٶتكەن وپەراتسييا 8–12 ماۋسىم ارالىعىندا ۇيىمداستىرىلدى. وعان افريكا, ازييا, ەۋروپا, سولتٷستٸك جەنە وڭتٷستٸك امەريكا ەلدەرٸنٸڭ قۇقىق قورعاۋ ورگاندارى قاتىستى. ارنايى ٸس-شارا سەكسۋالدىق قاناۋ, مەجبٷرلٸ ەڭبەك, ادامداردى قىلمىستىق ەرەكەتتەرگە تارتۋ جەنە قايىرشىلىققا مەجبٷرلەۋمەن اينالىسقان حالىقارالىق قىلمىستىق توپتارعا قارسى باعىتتالدى.
وپەراتسييا نەتيجەسٸندە ادام ساۋداسىنا قاتىسى بار دەگەن كٷدٸكپەن 334 ادام, ال وسىعان بايلانىستى ٶزگە قىلمىستار ٷشٸن تاعى 690 ادام ۇستالدى. تەكسەرۋ شارالارى شەكارا بەكەتتەرٸندە, ەۋەجايلاردا, كٶلٸك توراپتارىندا جەنە بۇعان دەيٸن كٷدٸككە ٸلٸنگەن نىسانداردا جٷرگٸزٸلدٸ.
قۇقىق قورعاۋ ورگاندارى ادام ساۋداسىنىڭ 2 070 قۇربانىن انىقتاپ, 465 قىلمىستىق ٸس بويىنشا تەرگەۋدٸ باستادى. ينتەرپول مەلٸمەتٸنشە, زارداپ شەككەندەر ەلەمنٸڭ 45 ەلٸنٸڭ ازاماتتارى. ولاردىڭ اراسىندا ارگەنتينا, كولۋمبييا, ۆەنەسۋەلا, مولدوۆا جەنە نەپال تۇرعىندارى باسىم. كٶپشٸلٸگٸ جالعان ۋەدە, الداۋ نەمەسە دەرمەنسٸز جاعدايىن پايدالانۋ ارقىلى شەتەلگە ەكەتٸلگەن.
وپەراتسييا بارىسىندا بٸرنەشە ٸرٸ قىلمىستىق جەلٸنٸڭ جولى كەسٸلدٸ. برازيلييادا ادامداردى كامبودجاعا اپارىپ, ينتەرنەت-الاياقتىققا مەجبٷرلەگەن ترانسۇلتتىق توپ ەشكەرەلەندٸ. نەتيجەسٸندە 406 ادام قۇتقارىلىپ, كٷدٸكتٸلەرگە حالىقارالىق ٸزدەۋ جارييالاندى.
ارگەنتينادا مەجبٷرلٸ ەڭبەككە جەگٸلگەن بوليۆييانىڭ ەكٸ كەمەلەتكە تولماعان ازاماتى قۇتقارىلسا, بەلگييادا ەلەۋمەتتٸك جەلٸ ارقىلى جاس قىزداردى الداپ, جەزٶكشەلٸككە مەجبٷرلەگەن قىلمىستىق توپتىڭ 17 مٷشەسٸ ۇستالدى.
ينتەرپول سوڭعى جىلدارى ادام ساۋداسىمەن اينالىساتىن توپتاردىڭ جاڭا تەسٸلدەردٸ جيٸ قولداناتىنىن اتاپ ٶتتٸ. ولاردىڭ قاتارىندا شەتەلدە جوعارى جالاقىلى جۇمىس ۇسىنامىز دەگەن جالعان حابارلاندىرۋلار, ەۋروپاداعى مەجبٷرلٸ ەڭبەك جەنە وڭتٷستٸك-شىعىس ازيياداعى ينتەرنەت-الاياقتىق ورتالىقتارىنا ادامداردى تارتۋ سحەمالارى بار.
بەلگٸلٸ بولعانداي, انىقتالعان قۇربانداردىڭ ەربٸر ونىنشىسى – كەمەلەتكە تولماعان بالا. ولاردىڭ باسىم بٶلٸگٸ سەكسۋالدىق قاناۋعا ۇشىراعان. قازٸر بارلىق زارداپ شەككەندەرگە قاجەتتٸ قورعاۋ جەنە ەلەۋمەتتٸك-پسيحولوگييالىق كٶمەك كٶرسەتٸلٸپ جاتىر.
