جازعى دەمالىس ماۋسىمىنىڭ باستالۋىمەن بٸرگە ينتەرنەت ارقىلى كوتتەدجدەر مەن دەمالىس ٷيلەرٸن جالعا الۋشىلار سانى ارتتى. وسىعان بايلانىستى ٸشكٸ ٸستەر مينيسترلٸگٸ ازاماتتاردى الاياقتىق ەرەكەتتەردەن ساق بولۋعا شاقىردى, دەپ حابارلايدى ult.kz.
پوليتسييانىڭ مەلٸمەتٸنشە, سوڭعى ۋاقىتتا ەلەۋمەتتٸك جەلٸلەر مەن حابارلاندىرۋ سايتتارىندا دەمالىس ورىندارىن جالعا بەرۋ تۋرالى جالعان ۇسىنىستار كٶبەيگەن.
الاياقتار ەدەتتە ينتەرنەتتە دەمالىس ٷيلەرٸنٸڭ تارتىمدى جارناماسىن جارييالاپ, قىزىعۋشىلىق تانىتقان ازاماتتارعا ەدەمٸ فوتوسۋرەتتەر مەن ناقتى مەكەنجايلاردى جٸبەرەدٸ. الايدا بۇل سۋرەتتەر كٶبٸنە باسقا نىسانداردان الىنعان نەمەسە ينتەرنەتتەن كٶشٸرٸلگەن بولىپ شىعادى.
كەيٸن قاسكٶيلەر برون جاساۋ ٷشٸن الدىن الا تٶلەم تالاپ ەتەدٸ. اقشا اۋدارىلعان سوڭ تٷرلٸ سىلتاۋلار ايتىپ, دەمالىس ورنىنىڭ قولجەتٸمسٸز ەكەنٸن حابارلايدى. بٸراز ۋاقىتتان كەيٸن بايلانىسقا شىقپاي, ازاماتتاردىڭ قاراجاتىن قايتارمايدى.
وسىعان بايلانىستى تەرتٸپ ساقشىلارى كٷمەندٸ ەسەپشوتتارعا اقشا اۋدارماۋعا جەنە الدىن الا تٶلەم جاساۋعا اسىقپاۋعا كەڭەس بەرەدٸ. سونداي-اق رەسمي برونداۋ سەرۆيستەرٸ مەن سەنٸمدٸ اگەنتتٸكتەردٸڭ قىزمەتٸن پايدالانۋعا شاقىرادى.
پوليتسييا ازاماتتارعا ۇسىنىستىڭ شىنايىلىعىن مۇقييات تەكسەرٸپ, ينتەرنەتتەن الىنعان سۋرەتتەرگە الدانىپ قالماۋعا كەڭەس بەردٸ. ەسٸرەسە نارىقتاعى باعادان ەلدەقايدا ارزان ۇسىنىستارعا ساقتىقپەن قاراۋ قاجەت.
