Jazǵy demalys maýsymynyń bastalýymen birge internet arqyly kottedjder men demalys úilerin jalǵa alýshylar sany artty. Osyǵan bailanysty Ishki ister ministrligi azamattardy alaiaqtyq áreketterden saq bolýǵa shaqyrdy, dep habarlaidy ult.kz.
Politsiianyń málimetinshe, sońǵy ýaqytta áleýmettik jeliler men habarlandyrý saittarynda demalys oryndaryn jalǵa berý týraly jalǵan usynystar kóbeigen.
Alaiaqtar ádette internette demalys úileriniń tartymdy jarnamasyn jariialap, qyzyǵýshylyq tanytqan azamattarǵa ádemi fotosýretter men naqty mekenjailardy jiberedi. Alaida bul sýretter kóbine basqa nysandardan alynǵan nemese internetten kóshirilgen bolyp shyǵady.
Keiin qaskóiler bron jasaý úshin aldyn ala tólem talap etedi. Aqsha aýdarylǵan soń túrli syltaýlar aityp, demalys ornynyń qoljetimsiz ekenin habarlaidy. Biraz ýaqyttan keiin bailanysqa shyqpai, azamattardyń qarajatyn qaitarmaidy.
Osyǵan bailanysty tártip saqshylary kúmándi esepshottarǵa aqsha aýdarmaýǵa jáne aldyn ala tólem jasaýǵa asyqpaýǵa keńes beredi. Sondai-aq resmi brondaý servisteri men senimdi agenttikterdiń qyzmetin paidalanýǵa shaqyrady.
Politsiia azamattarǵa usynystyń shynaiylyǵyn muqiiat tekserip, internetten alynǵan sýretterge aldanyp qalmaýǵa keńes berdi. Ásirese naryqtaǵy baǵadan áldeqaida arzan usynystarǵa saqtyqpen qaraý qajet.
