قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ينتەرنەت ساپاسىنىڭ قالاي تەكسەرٸلەتٸنٸن ايتىپ بەردٸ, دەپ حابارلايدى قازاقپارات.
«جالپى بٷگٸندە بايلانىس ساپاسىن قاداعالاۋعا مٷمكٸندٸك بەرەتٸن نورماتيۆتٸك اكتٸلەر بار. ەگەر سيگنالدىڭ بٸر بٶلٸگٸ ۇستاپ تۇرسا, ستاندارتقا سەيكەس, بايلانىس بار ەكەنٸن بٸلدٸرەدٸ. ەرينە, بۇل بايلانىستىڭ ينتەرنەتتە ساپالى جۇمىس ٸستەۋگە جەنە قىزمەتتەردٸ پايدالانۋعا جەتكٸلٸكسٸز ەكەنٸن تٷسٸنەمٸز. سوندىقتان قازٸر بٸزدە ەكٸ مەسەلە بار. ينتەرنەت ساپاسىنا قويىلاتىن ناقتى تالاپتار جوق جەنە ەل بويىنشا قاي جەردە جاعداي مٷشكٸل, قاي جەردە ينتەرنەت بار ەكەنٸ جٶنٸندە ساراپتاما جوق», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
ونىڭ ايتۋىنشا, ينتەرنەتتٸڭ ساپاسىن باقىلاۋ مەن مەسەلەلەردٸ شەشۋ ٷشٸن ەكٸ جول تاڭدالعان. بٸرٸنشٸسٸ – «بايلانىس بار» حالىقتىق باقىلاۋ سەرۆيسٸ.
«بۇل سەرۆيستە كەز كەلگەن پايدالانۋشى بٸر باتىرمانى باسۋ ارقىلى بٸزدٸڭ دەرەكقورعا جىلدامدىق تۋرالى دەرەكتەردٸ تٸركەي الادى. بۇل بٸزگە بەلگٸلٸ بٸر ايماقتاعى دەرەكتەردٸ بەرۋدٸڭ جىلدامدىعى مەن كوورديناتتارىن بەرەدٸ. تيٸسٸنشە, وسى دەرەكتەردٸڭ بارلىعىن جيناپ, رەسپۋبليكاداعى جاعدايدى باقىلاپ وتىرمىز. سەرۆيس وسىلاي جۇمىس ٸستەيتٸن بولسا, بٸز ارنايى قۇرىلعىلارىمەن ەلسٸز سيگنالدى تٷزەتۋ مەن ايىپپۇل سالۋ قۇقىعى بار كونترولەرلەرٸمٸزدٸ قايدا جٸبەرۋ كەرەگٸن بٸلەمٸز. بۇل سٸزدەردٸڭ شاعىمدارىڭىزعا جاۋاپ بەرۋگە مٷمكٸندٸك بەرەدٸ جەنە اقپارات نەگٸزٸندە مەسەلەنٸ جويۋ بويىنشا جوسپارلى جۇمىس جٷرگٸزە الامىز», - دەپ تٷسٸندٸردٸ ب. مۋسين.
سونىمەن بٸرگە, سپيكەر رەتتەۋشٸ رٶلٸن ودان ەرٸ كٷشەيتۋ قاجەتتٸگٸن اتاپ ٶتتٸ.
«پاندەمييا مۇنى قاداعالاۋسىز قالدىرماۋ قاجەتتٸگٸن كٶرسەتتٸ. باقىلاۋدى كٷشەيتۋ ٷشٸن ينتەرنەت ساپاسىنا قويىلاتىن تالاپتاردى كٷشەيتەمٸز. سونداي-اق, راديوجيٸلٸكتەردٸ بٶلۋ ستاندارتتارى بويىنشا دا جۇمىس جٷرگٸزٸلۋدە. بۇل بٸزگە لاتافۋنديزممەن كٷرەسۋگە كٶمەكتەسەدٸ. ٷشٸنشٸ ۇسىنىس – ايىپپۇل مٶلشەرٸن ارتتىرۋ. تٶرتٸنشٸ – تۇرعىن ٷي كەشەندەرٸن وپتيكالىق ارنالارسىز پايدالانۋعا بەرۋگە تىيىم سالىنادى. مۇنى ينفراقۇرىلىمدىق دامۋ مينيسترلٸگٸنە ۇسىندىق جەنە كەلٸسە الدىق», - دەدٸ باعدات مۋسين.
