فوتو: Polisia.kz
پاۆلودار وبلىسى پد ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ پروكۋراتۋرامەن كەلٸسٸلگەن جەدەل-تەرگەۋ ٸس-شارالارىنىڭ نەتيجەسٸندە ەسٸرتكٸنٸ ينتەرنەت-دٷكەن ارقىلى ٶتكٸزۋمەن اينالىسقان قىلمىستىق توپتىڭ ەرەكەتٸنە توسقاۋىل قويدى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
جەدەل-تەرگەۋ توپتارى پاۆلودار جەنە ەكٸباستۇز قالالارىنىڭ اۋماعىندا بٸر ۋاقىتتا ارنايى ماقساتتاعى بٶلٸمشە جاۋىنگەرلەرٸنٸڭ كٷشتٸك قولداۋىمەن وسى قىلمىستىق بيزنەسكە قاتىسۋشىلاردى ۇستاعان.
"جەدەل ۋەكٸلدەر Telegram قوسىمشاسىنداعى ينتەرنەت-دٷكەن ارقىلى ماريحۋانانى ساتۋدى جولعا قويعان ۇيىمداستىرۋشىنى جەنە تاعى دا باسقا تٶرت ادامدى قۇرىقتادى. ولاردىڭ قاتارىندا بۋحگالتەر, ينتەرنەت-دٷكەننٸڭ ەكٸمشٸسٸ, بۋىپ-تٷيۋشٸ مەن جاسىرىپ كەتۋشٸ بار.
تٶرت مەكەنجاي بويىنشا جٷرگٸزٸلگەن تٸنتۋ نەتيجەسٸندە توعىز كەلٸدەن استام ماريحۋانا, ساتىلىمعا دايىن ەسٸرتكٸ, بۋىپ-تٷيۋگە جەنە قولدانۋعا ارنالعان تٷرلٸ قۇرىلعىلار, قىلمىستىق بيزنەسكە قاتىسى بارىن راستايتىن تەحنيكا مەن ۇيالى تەلەفوندار, سونداي-اق ينتەرنەت-دٷكەننٸڭ قاراجات اينالىمىنىڭ جازبالارى تابىلىپ, تەركٸلەندٸ.
كٷدٸكتٸلەر ۇستالىپ, ۋاقىتشا ۇستاۋ يزولياتورىنا قامالدى.
قر قك-نٸڭ 297-بابى 3-بٶلٸگٸ “ەسٸرتكٸ, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, يەمدەنۋ, ساقتاۋ, تاسىمالداۋ, جٶنەلتۋ نە ٶتكٸزۋ” بويىنشا سوتقا دەيٸنگٸ ٸس جٷرگٸزۋ باستالدى" - دەلٸنگەن حابارلامادا.
تەرگەۋ امالدارى جالعاسىپ جاتىر. تيٸستٸ ساراپتامالار تاعايىندالدى.
ۆەدومستۆو مەلٸمەتٸنشە, ۇيىمداسقان قىلمىستىق توپتى قۇرعانى جەنە وعان قاتىسقانى ٷشٸن قىلمىستىق ٸس قوزعاۋ جوسپارلانىپ وتىر.
ەستەرٸڭٸزگە سالا كەتەيٸك, ادامدار توبىنىڭ الدىن الا سٶز بايلاسۋىمەن, بٸرنەشە رەت, اسا ٸرٸ مٶلشەردە, ەلەكتروندىق اقپاراتتىق رەسۋرستاردى پايدالانۋ ارقىلى جاسالعان بۇل قىلمىستار ٷشٸن مٷلكٸ تەركٸلەنٸپ, ون جىلدان ون بەس جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان.
