فوتو: Polisia.kz
قازاقستان, ۋكراينا جەنە چەحييا پوليتسيياسى ينتەرنەت-الاياقتاردىڭ ەكٸ ترانسۇلتتىق قىلمىستىق توبىن جويدى, – دەپ حابارلايدى «ۇلت اقپارات» Polisia.kz-كە سٸلتەمە جاساپ.
– كيبەرقىلمىسقا قارسى ٸس-قيمىل شەڭبەرٸندە ٸٸم قىزمەتكەرلەرٸ جەدەل-ٸزدەستٸرۋ ٸس-شارالارىن جٷرگٸزٸپ, ينتەرنەت-الاياقتىققا شەتەلدٸك ازاماتتاردىڭ قاتىسى بار ەكەنٸن انىقتادى. مينيسترلٸك قىزمەتكەرلەرٸ قىزمەتتٸك ٸسساپار بارىسىندا ۋكراينا ۇلتتىق پوليتسيياسىمەن جەنە چەحييا پوليتسيياسىمەن بٸرلەسٸپ, ينتەرنەت-الاياقتاردىڭ ەكٸ ترانسۇلتتىق قىلمىستىق توبىنىڭ ەرەكەتٸنە توسقاۋىل قويدى, – دەدٸ دەپارتامەنت باستىعى – ٸٸم رەسمي ٶكٸلٸ شىڭعىس الەكەشەۆ.
زاپوروجە قالاسىندا الاياقتاردىڭ ەكٸ call-ورتالىعى جويىلدى. قاسكٷنەمدەر ٶزدەرٸن بانكتەر مەن قۇقىق قورعاۋ ورگاندارىنىڭ قىزمەتكەرلەرٸ رەتٸندە تانىستىرىپ, قازاقستاندىقتارعا قوڭىراۋ شالىپ, ولاردىڭ شوتتارىنىڭ دەرەكتەرٸن الۋعا تىرىسقان. 9 ادام ۇستالدى. 17 كومپيۋتەر, 62 موبيلدٸ قۇرىلعى, سونداي-اق 35 گرامم «مەتادون» پرەپاراتى تەركٸلەندٸ.
ودەسسا قالاسىندا ٷش الاياقتىق call-ورتالىق تاراتىلدى. قاسكٶيلەر جالعان ينۆەستيتسييالىق كومپانييالارعا قارجى سالۋ سىلتاۋىمەن ينتەرنەت-الاياقتىق جاساعان. مۇندا 23 ادام ۇستالدى. 9 كٷدٸكتٸ ۋاقىتشا ۇستاۋ يزولياتورىنا قامالدى. 8 اۆتوكٶلٸك, 58 نوۋتبۋك, 52 سمارتفون, 100-دەن استام sim-كارتا, سونداي-اق 200 مىڭ اقش دوللارىنان استام سوماعا تسيفرلىق اكتيۆتەر تەركٸلەندٸ.
– قازٸرگٸ ۋاقىتتا تەرگەۋ جەنە جەدەل-ٸزدەستٸرۋ امالدارى جالعاسۋدا, – دەدٸ شىڭعىس الەكەشەۆ.
