جامبىل وبلىسىنىڭ پوليتسەيلەرٸ الماتى قالاسىندا ينتەرنەت-الاياقتارعا كٶمەكتەستٸ دەگەن كٷدٸكپەن 22 جاستاعى ەر ادامدى ۇستادى, دەپ حابارلايدى ult.kz.
Polisia.kz مەلٸمەتٸنشە, كٷدٸكتٸ قىلمىستىق سحەمانى ۇيىمداستىرۋشىلاردىڭ تاپسىرماسىمەن كۋرەر قىزمەتٸن اتقارعان. ول بانك كارتالارى مەن ۇيالى تەلەفونداردى تاسىمالداپ, بانكوماتتار ارقىلى قولما-قول اقشا شەشۋمەن اينالىسقان.
پوليتسييانىڭ الدىن الا دەرەكتەرٸنە سەيكەس, كٷدٸكتٸ 2026 جىلدىڭ سەۋٸر ايىنان بەرٸ وسى ەرەكەتتەردٸ جٷيەلٸ تٷردە ورىنداعان. تەرگەۋ بارىسىندا ونىڭ بٸرنەشە رەت قازاقستاننان تىس جەرلەرگە شىعىپ, ەلٸمٸزدٸڭ ازاماتتارىنا تيەسٸلٸ بانك كارتالارىن ينتەرنەت-الاياقتىقپەن اينالىساتىن قىلمىستىق توپ مٷشەلەرٸ بولۋى مٷمكٸن انىقتالماعان تۇلعالارعا تاپسىرعانى انىقتالعان.
كٷدٸكتٸنٸ ۇستاۋ كەزٸندە تەرتٸپ ساقشىلارى ودان بەس ۇيالى تەلەفون مەن ەكٸنشٸ دەڭگەيدەگٸ تٷرلٸ بانكتەرگە تيەسٸلٸ 13 بانك كارتاسىن تەركٸلەدٸ. الدىن الا مەلٸمەت بويىنشا, كارتا يەلەرٸ ولاردى اقشالاي سىياقى ٷشٸن ٶز ەركٸمەن پايدالانۋعا بەرگەن.
اتالعان دەرەك بويىنشا سوتقا دەيٸنگٸ تەرگەپ-تەكسەرۋ باستالدى.
پوليتسييا ازاماتتاردى بانك كارتالارىن, ولاردىڭ دەرەكتەمەلەرٸن جەنە ۇيالى تەلەفوندارىن بٶگدە ادامدارعا بەرمەۋگە, سونداي-اق بانك شوتتارىن پايدالانۋ نەمەسە اقشا اۋدارۋ ارقىلى «جەڭٸل تابىس» تابۋدى ۇسىناتىن كٷمەندٸ ۇسىنىستارعا كەلٸسپەۋگە شاقىردى. ۆەدومستۆو مۇنداي ەرەكەتتەردٸڭ قىلمىستىق جاۋاپكەرشٸلٸككە ەكەلۋٸ مٷمكٸن ەكەنٸن ەسكەرتتٸ.
