Jambyl oblysynyń politseileri Almaty qalasynda internet-alaiaqtarǵa kómektesti degen kúdikpen 22 jastaǵy er adamdy ustady, dep habarlaidy ult.kz.
Polisia.kz málimetinshe, kúdikti qylmystyq shemany uiymdastyrýshylardyń tapsyrmasymen kýrer qyzmetin atqarǵan. Ol bank kartalary men uialy telefondardy tasymaldap, bankomattar arqyly qolma-qol aqsha sheshýmen ainalysqan.
Politsiianyń aldyn ala derekterine sáikes, kúdikti 2026 jyldyń sáýir aiynan beri osy áreketterdi júieli túrde oryndaǵan. Tergeý barysynda onyń birneshe ret Qazaqstannan tys jerlerge shyǵyp, elimizdiń azamattaryna tiesili bank kartalaryn internet-alaiaqtyqpen ainalysatyn qylmystyq top músheleri bolýy múmkin anyqtalmaǵan tulǵalarǵa tapsyrǵany anyqtalǵan.
Kúdiktini ustaý kezinde tártip saqshylary odan bes uialy telefon men ekinshi deńgeidegi túrli bankterge tiesili 13 bank kartasyn tárkiledi. Aldyn ala málimet boiynsha, karta ieleri olardy aqshalai syiaqy úshin óz erkimen paidalanýǵa bergen.
Atalǵan derek boiynsha sotqa deiingi tergep-tekserý bastaldy.
Politsiia azamattardy bank kartalaryn, olardyń derektemelerin jáne uialy telefondaryn bógde adamdarǵa bermeýge, sondai-aq bank shottaryn paidalaný nemese aqsha aýdarý arqyly «jeńil tabys» tabýdy usynatyn kúmándi usynystarǵa kelispeýge shaqyrdy. Vedomstvo mundai áreketterdiń qylmystyq jaýapkershilikke ákelýi múmkin ekenin eskertti.
