قر بٸلٸم جەنە عىلىم مينيسترٸ اسحات ايماعامبەتوۆ Instagram-داعى جەكە پاراقشاسىنا كەلٸپ تٷسەتٸن ساۋالدارعا نەلٸكتەن جاۋاپ بەرمەيتٸندٸگٸن تٷسٸندٸردٸ, دەپ حابارلايدى قازاقپارات.
«Instagram-دا مەنٸ وقىپ وتىراتىن 100 مىڭنان استام حالىق بار. كٷنٸنە 400-500-گە دەيٸن سۇراق كەلٸپ تٷسەدٸ. Facebook پاراقشاما دا بٸراز سۇراق تٷسٸپ جاتادى. وعان قوسا بلوگىما تٷسەتٸن سۇراقتار بار. سوندىقتان كٷنٸنە مىڭ سۇراققا جاۋاپ بەرۋ قيىن. ونىڭ ٷستٸنە ول سۇراقتاردىڭ كٶپشٸلٸگٸ قايتالانىپ وتىرادى. كٶپشٸلٸگٸ مينيسترلٸكتٸڭ سايتىندا جاۋاپ بەرٸلگەن مەسەلەلەردٸ قامتيدى. تاعى بٸرازى جٷيەلٸ مەسەلەنٸ ەمەس, ادامنىڭ جەكە قۇقىعىنا بايلانىستى بولىپ كەلەدٸ. بٸلٸم جەنە عىلىم مينيسترلٸگٸ, جالپى مينيستر ناقتى وسىنداي مەسەلەمەن جەكە ٶزٸ اينالىساتىن بولسا, وندا ونىڭ جۇمىس ٸستەۋٸنە قيىندىق تۋادى», - دەدٸ اسحات ايماعامبەتوۆ حالىققا ەسەپ بەرۋ كەزدەسۋ بارىسىندا اتىنا تٷسكەن ساۋالعا وراي.
ونىڭ اتاپ ٶتۋٸنشە, كەلٸپ تٷسكەن سۇراقتار جەرگٸلٸكتٸ اتقارۋشى ورگاندارعا جٸبەرٸلٸپ وتىرادى. ولاردىڭ تاراپىنان شەشٸم تاپپاعان جاعدايدا عانا مەسەلە مينيسترلٸكتە قاراستىرىلادى.
