ەلەمدەگٸ جاپپاي قىمباتشىلىق قازاقستاننىڭ مەملەكەتتٸك باعالى قاعازدارىنىڭ كٸرٸستٸلٸگٸنە دە ەسەر ەتكەن. قر ۇلتتىق بانكٸنٸڭ تٶراعاسى عالىمجان پٸرماتوۆ ٷكٸمەت وتىرىسىندا وسىنداي مەلٸمەت بەردٸ, دەپ حابارلايدى قازاقپارات.
«ينفلياتسييانىڭ سىرتقى جەنە ٸشكٸ فاكتورلارى باعانىڭ ٶسۋ جاعىنا قاراي قىسىمدى كٷشەيتٸپ كەلەدٸ. ەلەمدە ينفلياتسييالىق قىسىم گەوساياسي شيەلەنٸستٸڭ سالدارىنان كٷشەيٸپ وتىر. ول جايت تاۋار جەتكٸزٸلٸمٸندەگٸ پروبلەمالاردى ۋشىقتىرا تٷستٸ.
ازىق-تٷلٸكتٸڭ ەلەمدٸك باعاسى جوعارى دەڭگەيدە ساقتالىپ وتىر. شيكٸزات پەن ماتەريالدار قۇنى تۇراقتى تٷردە ٶسكەندٸكتەن, دايىن ٶنٸم دە جاپپاي قىمباتتادى», - دەدٸ ۇلتتىق بانك باسشىسى.
ونىڭ مەلٸمەتٸ بويىنشا, مەملەكەتتٸك باعالى قاعازداردىڭ كٸرٸستٸلٸگٸ ٶسكەن. سونداي-اق ول اقش فەدەرالدى رەزەرۆ جٷيەسٸنەن كەيٸن ەۋروپا ورتالىق بانكٸ دە شٸلدە ايىندا مٶلشەرلەمەلەردٸ كٶتەرۋٸ مٷمكٸن ەكەنٸن اتاپ ٶتتٸ.
«نارىقتىڭ بولجامدارى بويىنشا, ەۋروپا ورتالىق بانكٸنٸڭ دەپوزيت مٶلشەرلەمەسٸن 2022 جىلدىڭ سوڭىنا قاراي -0,5%-دان وڭ مەنگە دەيٸن, ال 2023 جىلى 1%-دان جوعارى كٶتەرەدٸ. انگلييانىڭ ورتالىق بانكٸ مامىردا مٶلشەرلەمەنٸ 25 بازيستٸك تارماققا 1%-عا دەيٸن كٶتەردٸ.
ينفلياتسييالىق بولجامداردىڭ ۇزاق ۋاقىت بويى ماقساتتان اۋىتقۋ قاۋپٸ ورتالىق بانكتەردٸ مونەتارلىق ساياساتتى اگرەسسيۆتٸ تٷردە كٷشەيتۋگە يتەرمەلەيدٸ.
گەوساياسي تەۋەكەلدەردٸڭ ورىن الۋى جەنە اقش فەدەرالدى رەزەرۆ جٷيەسٸنٸڭ مونەتارلىق ساياساتتى كٷشەيتۋٸ جىل باسىنان بەرٸ اقش دوللارى يندەكسٸنٸڭ 7,6%-عا ٶسۋٸنە سەبەپ بولدى», - دەدٸ عالىمجان پٸرماتوۆ.
