قازاقستاننىڭ جەتەكشٸ ينفەكتسيونيست دەرٸگەرٸ, مەديتسينا عىلىمدارىنىڭ دوكتورى ديناگٷل باەشەۆا كۆي قاۋپٸنەن ساقتانۋ ٷشٸن سىرتقا سەبەپسٸز شىقپاۋدى تاعى دا حالىقتىڭ ەسٸنە سالدى, دەپ حابارلايدى قازاقپارات.
«كوروناۆيرۋسقا بەرٸبٸر – بٸرٸنشٸ تولقىن با, جيىرماسىنشى تولقىن با — ايىرما جوق. ۆيرۋسقا جاز با, كٷز بە, قازاقسىڭ با, گٷرجٸسٸڭ بە – بەرٸبٸر. ول ەڭ الدىمەن ٶزٸنٸڭ كٶبەيۋ جولىن ٸزدەيدٸ. مٸندەتٸ - ٶكپەگە جەتسە بولدى. قازٸر كوروناۆيرۋس جرۆي نەمەسە پنەۆمونييا ارقىلى بەلگٸلٸ بولىپ وتىرعان جوق. سول سەبەپتٸ بٸز سوزىلمالى اۋرۋلارى بار ادامدارعا ماڭىز بەرٸپ كەلەمٸز. كوروناۆيرۋس جۇقتىرعان ادامنىڭ بۇرىننان بەرگٸ سوزىلمالى اۋرۋى قوزىپ كەتۋٸ ىقتيمال», - دەدٸ ديناگٷل باەشەۆا دەنساۋلىق ساقتاۋ مينيسترلٸگٸنٸڭ Facebook پاراقشاسىنداعى «مينيسترلٸك حابارلايدى» ايدارىندا.
ينفەكتسيونيست دەرٸگەردٸڭ ايتۋىنشا, وسىعان دەيٸن قازاقستان قاتاڭ شەكتەۋ شارالارىن ەنگٸزگەنٸمەن ەكونوميكاداعى تۋىنداعان قيىندىقتارعا بايلانىستى شەكتەۋ شارالارىن الۋعا مەجبٷر بولعان.
«بٸراق ٷش ايدىڭ ٸشٸندە ادامدار كوروناۆيرۋسقا قارسى كٷرەستٸ ٷيرەنٸپ الاتىنداي ۋاقىت بولدى. سەبەبٸ قۇرىپ كەتكەن جوق. ارامىزدا جٷر. قاۋپٸن سەزٸنە جٷرۋٸمٸز كەرەك. مەسەلەن, وڭتٷستٸك كورەيادا بٸر موناشكا عانا 300 ادامدى جۇقتىرعان. ياعني مۇنداي وشاقتار كەز كەلگەن ۋاقىتتا تۋىنداۋى مٷمكٸن. سوندىقتان بٸزدٸڭ مٸندەت – جاعدايعا قاراي بەيٸمدەلۋ. قاجەتتٸلٸك تۋىنداماعان جاعدايدا سىرتقا شىقپاعان ابزال», - دەدٸ ول.
ديناگٷل باەشەۆا يتالييا مەن اقش-تاعى جاعدايدى ۇمىتپاۋعا شاقىردى.
«ول جاقتاعى ادامدار جينالىپ الىپ, ۆيرۋستى كٶزگە ٸلگٸسٸ كەلمەگەندٸكتەن, احۋال قيىنداپ كەتتٸ. ال سينگاپۋر, تايلاند ەلدەرٸ اقىرىن جٷرٸپ, انىق باسىپ كەلەدٸ. سوندا عانا تۋعان-تۋىستارىمىزدى, دوستارىمىزدى قاۋٸپتەن ساقتاي الامىز», - دەدٸ ول.
