فوتو: AP
يندونەزييانىڭ سۋماترا ارالىندا بولعان سۋ تاسقىنى مەن كٶشكٸن سالدارىنان قازا تاپقاندار سانى 442-گە جەتتٸ. جەكسەنبٸ تاڭىندا بۇل كٶرسەتكٸش 300 ادام دەپ حابارلانعان ەدٸ, دەپ حابارلايدى Ult.kz.
اپات ايماعىندا ەۆاكۋاتسييا ەلٸ جالعاسىپ جاتىر. نەگٸزگٸ جولدار جابىق, ال ينتەرنەت پەن ەلەكتر جارىعى تەك جارتىلاي قالپىنا كەلتٸرٸلگەن.
تروپيكالىق «سەنيار» تسيكلونى مەن كٷشەيگەن مۋسسون جاڭبىرلارى يندونەزييا عانا ەمەس, وڭتٷستٸك-شىعىس ازييانىڭ بٸرنەشە ەلٸن شارپىدى. تايلاندتا 170 ادام, شري-لانكادا 160-تان استام تۇرعىن قازا تاۋىپ, مالايزييا مەن ۆەتنام دا ٷلكەن زالال كٶردٸ.
يندونەزييانىڭ اچەح پروۆينتسيياسىنىڭ تۇرعىندارى سۋ دەڭگەيٸنٸڭ بٸرنەشە سەكۋندتا ٷيلەرگە جەتٸپ, بەرٸن شايىپ كەتكەنٸن ايتادى. مىڭداعان باسپانا قيراپ, جٷزدەگەن ادام ەلٸ قاۋٸپتٸ ايماقتا قالىپ وتىر.
تاپانۋلي ٶڭٸرٸندە تۇرعىندار ازىق-تٷلٸك تاپشىلىعى كٷشەيگەن سوڭ دٷكەندەردٸ توناۋعا مەجبٷر بولعانى حابارلاندى. حالىق سۋماترانى ۇلتتىق اپات ايماعى رەتٸندە جارييالاۋدى تالاپ ەتۋدە.
ايماقتا قۇتقارۋ جۇمىستارى قيىنداپ تۇر: اۋا رايى ناشار, ينفراقۇرىلىم بٷلٸنگەن. دەگەنمەن ونداعان مىڭ ادام ەۆاكۋاتسييالانعان, حالىقارالىق كٶمەك تە كەلە باستادى.
اۋا رايى ماماندارى ەكسترەمالدى قۇبىلىستاردىڭ جيٸلەۋٸن كليماتتىڭ ٶزگەرۋٸمەن بايلانىستىرادى.
