Foto: AP
Indoneziianyń Sýmatra aralynda bolǵan sý tasqyny men kóshkin saldarynan qaza tapqandar sany 442-ge jetti. Jeksenbi tańynda bul kórsetkish 300 adam dep habarlanǵan edi, dep habarlaidy Ult.kz.
Apat aimaǵynda evakýatsiia áli jalǵasyp jatyr. Negizgi joldar jabyq, al internet pen elektr jaryǵy tek jartylai qalpyna keltirilgen.
Tropikalyq «Seniar» tsiklony men kúsheigen mýsson jańbyrlary Indoneziia ǵana emes, Ońtústik-Shyǵys Aziianyń birneshe elin sharpydy. Tailandta 170 adam, Shri-Lankada 160-tan astam turǵyn qaza taýyp, Malaiziia men Vetnam da úlken zalal kórdi.
Indoneziianyń Acheh provintsiiasynyń turǵyndary sý deńgeiiniń birneshe sekýndta úilerge jetip, bárin shaiyp ketkenin aitady. Myńdaǵan baspana qirap, júzdegen adam áli qaýipti aimaqta qalyp otyr.
Tapanýli óńirinde turǵyndar azyq-túlik tapshylyǵy kúsheigen soń dúkenderdi tonaýǵa májbúr bolǵany habarlandy. Halyq Sýmatrany ulttyq apat aimaǵy retinde jariialaýdy talap etýde.
Aimaqta qutqarý jumystary qiyndap tur: aýa raiy nashar, infraqurylym búlingen. Degenmen ondaǵan myń adam evakýatsiialanǵan, halyqaralyq kómek te kele bastady.
Aýa raiy mamandary ekstremaldy qubylystardyń jiileýin klimattyń ózgerýimen bailanystyrady.
